ہمارے عہدیداران کو ہٹایا جارہا ہے ایسے میں بات چیت ممکن نہیں،بیرسٹر گوہر

چیئرمین پی ٹی آئی بیرسٹر گوہر نے کہا ہے کہ ہمارے عہدیداران کو ہٹایا جارہا ہے ایسے میں بات چیت کیسے کریں، پاک فوج کی ملک کے لیے بہت قربانیاں ہیں، ملک کا دفاع کیا ہے، ابھی جنگ جیتی ہے، ہم اس کو قدر سے دیکھتے ہیں، پارلیمنٹ ہائوس کے باہر میڈیا سے گفتگو کرتے ہوئے بیرسٹر گوہر نے کہا کہ پاک فوج کی ملک کے لیے بہت قربانیاں ہیں، ملک کا دفاع کیا ہے، ابھی جنگ جیتی ہے، ہم اس کو قدر سے دیکھتے ہیں۔انہوں نے کہا کہ ہر کسی کی مدت کا تعین آئین کے مطابق ہونا چاہیے، ہم نے نہ اس قانون سازی کو چیلنج کیا ہے، نہ کرنے کا ارادہ ہے، 2030 تک پلان کی جہاں تک بات ہے توپلان تو سب کرتے ہیں، دیکھتے ہیں کیا ہوتا ہے۔چیئرمین پی ٹی آئی نے کہا کہ سیلاب پر تمام جماعتوں کو سیاست اور صوبائیت سے بالاتر ہوکر سب کی مددکرنے کی ضرورت ہے، اس وقت ملک میں سیلاب کی صورتحال ہے، پنجاب حکومت سے بھی کہتاہوں کہ مل کر سیلاب متاثرین کیساتھ تعاون کریں۔ بیرسٹر گوہر نے کہا کہ خیبرپختونخوا کی حکومت سیلاب متاثرین کیلئے کوششیں کررہی ہے، پیر سے سیلاب متاثرہ علاقوں میں جا رہا ہوں، بونیر میں سلاب متاثرین کے ساتھ ہوں گا۔انہوںنے کہاکہ ہمارے اپوزیشن لیڈرز کو عہدوں سے ہٹا دیا گیا، بات چیت کا عمل کیسے ہو جب آپ ہمارے عہدیداروں کو ہٹارہے ہیں، ہمارے ارکان کو نااہل کیاجارہا ہے ایسے میں بات چیت ممکن نہیں۔