Cricket

Entertainment

Football

ٹیپمیڈاپنےناظرین کیلئے بڑی خوشخبری لے کرآیا ہے!ڈرامہ، ایکشن اور سنسنی سے بھرپور’’شمشیر‘‘ کا شاندار ٹریلر جاری کردیا گیا،جس نے آتے ہی سوشل میڈیا پر دھوم مچا دی ہے۔تفصیلات کے مطابق پاکستان کے ڈرامائی افق پرایک نیاطوفان برپا ہونے جارہاہے۔شمشیر کا آفیشل ٹریلر منظرعام پرآچکا ہے،جو ایکشن، جذبات اور سنسنی سے بھرپور مناظر سے سجا ہوا ہے۔’ شمشیر‘‘ ایک ایسے ڈرامے کی نوید ہے جو پاکستان کے ڈرامائی منظرنامے پر ایک نیا طوفان برپا کرنے جا رہا ہے۔ اس کی کہانی طاقت، انتقام اور انصاف کی کشمکش کے گرد گھومتی ہے، جسے پیش کیا گیا ہے بھرپور جذبات، سنسنی خیز مناظر اور دل کو چھو لینے والے مکالموں کے ساتھ۔اس ڈرامے میں مرکزی کردار نبھا رہے ہیں،فرحان سعید،حریم فاروق ،خالدانعم اور بہروزسبزواری جن کی جاندار اداکاری اور باکمال مکالمے پہلے ہی سوشل میڈیا پر موضوعِ بحث بن چکے ہیں۔’’شمشیر‘‘ کو نینا کاشف اور ٹپمیڈ نے پروڈیوس کیا ہے، جو ماضی میں ‘ہم سفر‘ اور ‘باغی‘ جیسے معیاری ڈرامے پیش کر چکے ہیں۔ نینا کاشف ایک بار پھر ایک گہرے اور مؤثر بیانیے کے ساتھ ناظرین کو متاثر کرنے کے لیے تیار ہیں۔ڈرامے کی ہدایت کاری شہرزاد شیخ نے کی ہے، جنہیں ‘دلِ مومن‘،‘یحییٰ‘ اور ‘مقدر‘ جیسے کامیاب منصوبوں کی ڈائریکشن دینے کا تجربہ حاصل ہے۔ ان کی ہدایت کاری کہانی کو نہ صرف جذباتی گہرائی بلکہ بصری خوبصورتی سے بھی ہم آہنگ کرتی ہے، جس سے ‘شمشیر‘ ایک یادگار ڈرامہ بننے کی بھرپور صلاحیت رکھتا ہے۔’’شمشیر‘‘ کی کہانی طاقت، انتقام اور انصاف کی کشمکش کے گرد گھومتی ہے، جو ناظرین کو اپنی گرفت میں لینے کے لیے پوری طرح تیار ہے،یہ سنسنی خیز سیریز 13 جون سے صرف ٹیپمیڈپر اسٹریمنگ کے لیے دستیاب ہوگی۔یہ ایک ایسی کہانی ہے جو ناظرین کو اپنی گرفت میں لینے کے لیے پوری طرح تیار ہے۔

ڈرامہ، ایکشن اور سنسنی سے بھرپور’’شمشیر‘‘ کا شاندار ٹریلر جاری کردیا گیا

ٹیپمیڈ انٹرٹینمنٹ کی یہ سنسنی خیز سیریز 13 جون سے صرف  ٹیپمیڈپر اسٹریمنگ کے لیے دستیاب ہوگی

پاکستان کا کرپٹو انقلاب کی جانب بڑا قدم پاکستان نے پہلے سرکاری حمایت یافتہ بٹ کوائن ریزرو کا اعلان کر دیا ۔پاکستان نے عالمی سطح پر اپنی معیشت اور ٹیکنالوجی کی نئی شناخت متعارف کرا دی۔ وزیر برائے کرپٹو و بلاک چین، بلال بن ثاقب نے بٹ کوائن ویگاس 2025 کانفرنس میں ملک کی پہلی اسٹریٹیجک بٹ کوائن ریزرو کا اعلان کیا، جس کا مقصد پاکستان کو ڈیجیٹل معیشت کا قائد بنانا ہے۔تفصیلات کے مطابق وزیراعظم کے معاون خصوصی برائے بلاک چین اور کرپٹو بلال بن ثاقب نے پاکستان کے پہلے بٹ کوائن اسٹریٹجک ریزرو کا اعلان کرتے ہوئے کہا ہے کہ پاکستان اب صرف ایک ملک نہیں بلکہ ایک ڈیجیٹل تحریک ہے جس کی قیادت نوجوان کر رہے ہیں، پاکستان تیار ہے اور آگے بڑھنے کو بے تاب ہے۔بلال بن ثاقب نے خطاب میں کہا کہ پاکستان کا نوجوان، آن لائن اور آن چین ہے، اور ملک کو اب ماضی کے بجائے مستقبل کی پہچان دی جا رہی ہے۔ پاکستان ایسا ملک ہے جس کے پاس 4 کروڑ سے زائد کرپٹو والیٹس، 23 سال کی اوسط عمر، اور دنیا کی سب سے متحرک فری لانسنگ معیشت ہے۔انہوں نے اعلان کیا کہ حکومت نے قومی بٹ کوائن والیٹ قائم کیا ہے اور 2000 میگاواٹ اضافی بجلی کرپٹو مائننگ اور مصنوعی ذہانت کے ڈیٹا سینٹرز کے لیے مختص کر دی گئی ہے۔انہوں نے کرپٹو فنانس کے لیے پاکستان ڈیجیٹل اثاثہ اتھارٹی (PDAA) کے قیام کی بھی خبر دی، جبکہ سابق امریکی صدر ڈونلڈ ٹرمپ کا پاک بھارت کشیدگی میں امن کی کوششوں پر شکریہ ادا کیا۔ بلال بن ثاقب کا کہنا تھا کہ پاکستان اب تعمیر، اختراع اور ترقی کے لیے تیار ہے، دنیا آئے اور یہاں سرمایہ لگائے۔بلال بن ثاقب نے خطاب میں کہا کہ بٹ کوائن مائننگ اور اے آئی ڈیٹا سینٹرز  خود مختار مائنرز، ٹیک کمپنیوں، اور بین الاقوامی بلاک چین فرمز کے لیے دروازے کھول رہا ہے۔ تقریب میں امریکا کے نائب صدر جے ڈی وینس، ایرک ٹرمپ اور ڈونلڈ ٹرمپ جونئر بھی موجود تھے۔

ڈیجیٹل انقلاب، پاکستان نے پہلے سرکاری حمایت یافتہ بٹ کوائن ریزرو کا اعلان کر دیا

پاکستان میں 40 ملین کرپٹو والٹس موجود ہیں اور یہ دنیا کی سب سے بڑی، سب سے زیادہ فعال فری لانس معیشتوں میں سے ایک ہے

پاکستان نے کہا ہے کہ غزہ سے اٹھنے والی فریادوں کا مزید خاموشی سے جواب نہیں دیا جا سکتا،پاکستان نے اقوام متحدہ کی سلامتی کونسل سے مطالبہ کیا ہے کہ غزہ میں نسل کشی روکنے کے لیے فوری اقدامات کیے جائیں۔اقوام متحدہ کی سلامتی کونسل کا اجلاس ہوا جس سے خطاب کرتے ہوئے پاکستانی مستقل مندوب عاصم افتخار کا کہنا تھا کہ غزہ میں اسرائیل کا غیر قانونی محاصرہ قبول نہیں کرتے، غزہ میں صیہونی فورسز کا محاصرہ فوری طورپر ختم ہونا چاہئے۔عاصم افتخار کاکہناتھا کہ مسجدالاقصیٰ میں اسرائیلی وزیروں کی اشتعال انگیزی کی مذمت کرتے ہیں، غزہ میں اسرائیلی مظالم فوری طور پر بند کیے جائیں۔انہوں نےکہا کہ غزہ میں دل دہلا دینے والی اسرائیلی بربریت سامنے آئی ہے، خواتین، بچے، ڈاکٹرز خوفناک صورت حال کا سامنا کررہے ہیں۔عاصم افتخار کا کہنا تھا کہ اقوام متحدہ انڈر سیکریٹری جنرل ٹام فلیچر نے حقائق پر مبنی بریفنگ دی جس پر تنقید قابل قبول نہیں۔ان کا کہنا تھاکہ اسرائیل کی جانب سے غزہ پر بمباری کی جارہی ہے جس کے نتیجے میں اب تک 54 ہزار سے زائد فلسطینی شہید ہوچکے ہیں جن میں زیادہ تر خواتین اور بچے شامل ہیں، ایک لاکھ 22 ہزار سے زائد فلسطیی شہری زخمی ہیں۔عاصم افتخار نے کہا کہ غزہ کے شہری ایسی نفسیاتی اذیت برداشت کررہے ہیں جو کوئی سوچ بھی نہیں سکتا، ہم اس وقت غزہ میں تاریخ کی بدترین بربریت دیکھ رہے ہیں، مذمت کے الفاظ کافی نہیں اب ردعمل کا وقت ہے۔پاکستانی مندوب نے کہا کہ وقت آگیا ہے کہ فلسطینیوں کی نسل کشی ختم کی جائے، غزہ میں طبی سسٹم کو منصوبہ بندی کے تحت تباہ کردیا گیا ہے، اسپتالوں میں مریضوں کے علاج کے لیے ایندھن نہیں، 800 طبی سہولتوں کو نشان ہبنا کر تباہ کیا گیا، طبی عملے کے رکن مارے گئے، امدادی قافلوں کو روکا جاتا ہے اور ان پر حملے کیے جاتے ہیں، 57 بچے بھوک کی وجہ سے انتقال کرچکے ہیں۔انہوں نے مزید کہا کہ غزہ میں شہری آبادی کے اسٹرکچر کو تباہ کردیا گیا ہے، پانی، بجلی اور کمیونی کیشن نظام ختم کردیا گیا ہے، 80 فیصد گھر تباہ ہوگئے، فلسطینیوں کی جبری نقل مکانی کو کسی صورت قبول نہیں کریں گے۔انہوں نے کہا کہ غزہ میں فلسطینیوں کی بڑی تعداد بھوک اور افلاس کا شکار ہو رہی ہے، لاکھوں افراد امداد سے محروم ہیں، غزہ کے ہسپتالوں میں صورتحال سنگین ہو چکی ہے۔ فلسطینیوں کی جبری بے دخلی کو مسترد کرتے ہیں، فلسطینیوں کو ان کا حق دیا جائے، امداد فراہم کی جائے۔ غزہ میں فلسطینیوں کی نسل کشی کو عملی طور پر روکنا ہوگا۔

پاکستان نے سلامتی کونسل سے غزہ میں فوری نسل کشی روکنے کا مطالبہ کردیا

مسجدالاقصیٰ میں اسرائیلی وزیروں کی اشتعال انگیزی کی مذمت کرتے ہیں،پاکستانی مندوب کا سلامتی کونسل اجلاس سے خطاب

حالیہ بھارت اور پاکستان کے درمیان جھڑپ کے دوران فرانسیسی رافیل طیاروں کے مار گرائے جانے پر ترجمان فرانسیسی فوج کا ردعمل آگیا۔تفصیلات کے مطابق پاک فضائیہ کے ہاتھوں بھارتی رافیل طیاروں کی تباہی پر بالآخر فرانسیسی فوج کا ردعمل بھی آگیا اور فرانسیسی فوجی ترجمان ایک نیوز بریفنگ میں رافیل طیاروں کی تباہی کی واضح تردید نہ کرسکے۔ جب اُن سے اس واقعے سے متعلق سوال کیا گیا تو وہ گول مول جواب دے کر نکل گئے، لیکن تسلیم کیا کہ واقعے کی تفصیلات ابھی غیر یقینی ہیں اور کئی پہلو تصدیق طلب ہیں۔میڈیارپورٹس کے مطابق فرانسیسی فوج کے ترجمان نے  ایک معمول کے پریس بریفنگ کے دوران اس معاملے پر سوالات کا جواب دیا۔ انہوں نے کہا کہ اگر یہ اطلاعات درست ثابت ہوئیں تو یہ رافیل طیارے کی 20 سالہ سروس کے دوران پہلی مرتبہ کسی جنگ میں تباہی ہوگی۔فینکس ٹی وی کی رپورٹ کے مطابق، یہ فرانسیسی فوج کی جانب سے اس واقعے پر پہلا باضابطہ ردعمل ہے۔فینکس ٹی وی کی ایک ویڈیو کلپ میں فرانسیسی وزارتِ دفاع کے ترجمان نے کہا کہ اس واقعے کی تفصیلات ابھی غیر واضح ہیں اور بہت سی معلومات کی تصدیق نہیں ہو سکی۔ انہوں نے کہا کہ رافیل طیارے کی کارکردگی کے حوالے سے فرانس اس صورتحال پر قریبی نظر رکھے ہوئے ہے اور بھارت سے مسلسل رابطے میں ہے تاکہ اصل معلومات حاصل کی جا سکیں۔ترجمان نے مزید کہا کہ کچھ رپورٹس کے مطابق اس جھڑپ میں سینکڑوں فوجی طیارے شامل تھے۔ فرانس کی کوشش ہے کہ اس ہائی انٹینسٹی لڑائی سے زیادہ سے زیادہ سیکھا جا ئے۔ اگر رافیل طیارے کے گرنے کی تصدیق ہو جاتی ہے، تو یہ دو دہائیوں کی آپریشنل سروس کا پہلا واقعہ ہوگا۔خیال رہے پاکستان نے7 مئی کو بھارت کی جانب سے پاکستانی سرزمین پر جارحیت کے ردعمل میں بھارت کے 7 طیارے مار گرائے تھے جن میں 3 رافیل بھی شامل تھے۔عالمی میڈیا پاک فضائیہ کے ہاتھوں رافیل جیسے جدید طیاروں کی تباہی کو بھارت کے لیے ذلت آمیز شکست قرار دے چکا ہے۔عسکری ماہرین کے مطابق پاکستان نے پہلی بار رافیل جیسے جدید طیاروں کو گرا کر بھارت پر اپنی فضائی برتری ثابت کردی ہے۔

پاک فضائیہ کے ہاتھوں رافیل طیاروں کی تباہی پر بالآخر فرانسیسی فوج کا ردِعمل بھی سامنے آگیا

لڑائی میں سیکڑوں طیارے شریک تھے، فرانس اس تجربے سے زیادہ سے زیادہ سیکھنے کا خواہاں ہے، ترجمان فرانسیسی فوج

لاہور(این این آئی)پاکستان سپر لیگ (پی ایس ایل) کے 10ویں ایڈیشن کے فاتح کپتان شاہین شاہ آفریدی کو فتبال کی عالمی فیڈریشن (فیفا) نے عظیم فٹبالرز کی فہرست میں لاکھڑا کیا۔فیفا نے اپنے انسٹاگرام اکاؤنٹ پر پاکستان سپر لیگ (پی ایس ایل) میں اپنی فرنچائز لاہور قلندرز کو 3 بار چیمپئین بنوانے پر کپتان شاہین شاہ آفریدی کی جرسی کو عالمی شہرت یافتہ فٹبالرز کیساتھ شیئر کیا۔فیفا ورلڈکپ کے سوشل میڈیا پیج پر نمبر 10 جرسی کے حوالے سے پوسٹ کی گئی ہے جس میں لیونل میسی، نیمار جونیئر اور لوکا موڈرچ کے ساتھ شاہین آفریدی کی جرسی دکھائی گئی ہے۔اعلیٰ حکام کا کہنا ہے کہ پوسٹ شیئر کرنے کا مقصد فیفا ورلڈکپ سے قبل پاکستانی فینز کو متحرک کرنا ہے تاکہ زیادہ سے زیادہ فینز انگیجمنٹ حاصل کی جاسکے۔واضح رہے کہ لاہور قلندرز نے اتوار کے روز کوئٹہ گلیڈی ایٹرز کو سنسنی خیز مقابلے میں شکست دیکر تیسری بار ٹائٹل اپنے نام کیا تھا۔

فیفا نے شاہین شاہ آفریدی کو عظیم فٹبالرز کی فہرست میں لاکھڑا کیا

لیونل میسی، نیمار جونیئر اور لوکا موڈرچ کے ساتھ شاہین آفریدی کی جرسی دکھائی گئی، پوسٹ سوشل میڈیا پر وائرل

لیبیا سے حج پر جانے والے شہری عامر قذافی کی معجزاتی کہانی نے سننے والوں کے ایمان کو تروتازہ کردیا۔ہر مسلمان کی خواہش ہوتی ہے کہ وہ زندگی میں کم از کم ایک بار حج کرے لیبیا کے شہری کی حج پر جانے کی کرشماتی کہانی نے دنیا کو متاثر کر دیا۔حج، جو ہر مسلمان کا خواب اور روحانی آرزو ہے، کبھی کبھار ایسے غیر معمولی واقعات کی شکل اختیار کر لیتا ہے جو انسانی فہم سے ماورا محسوس ہوتے ہیں۔حج اسلام کا پانچواں رکن ہے اور ہر صاحب استطاعت مسلمان پر زندگی میں ایک بار فرض ہے۔ ہر مسلمان کی خواہش ہوتی ہے کہ وہ کم از کم زندگی میں ایک بار فریضہ حج کی ادائیگی کرے اور بعض اوقات اس مقدس سفر میں کئی ایسے کرشماتی واقعات سامنے آ جاتے ہیں، جو ایمان کی روح کو تازہ کر دیتے ہیں۔ ایسا ہی ایک حیرت انگیز واقعہ لیبیا کے ایک نوجوان عامر القذافی کے ساتھ پیش آیا، جو اس سال فریضہ حج کی ادائیگی کے لیے روانہ ہوئے یا یوں کہیے، کئی بار رکے مگر آخرکار روانہ ہو ہی گئے۔عامر قذافی اس سال حج کی نیت سےعازم سفر ہوا تو ایئرپورٹ پہنچے تو انہیں وہاں ایک غیر متوقع رکاوٹ کا سامنا کرنا پڑا۔ ان کے نام میں شامل ’’القذافی‘‘ کی وجہ سے امیگریشن نے سیکیورٹی کلیئرنس دینے سے انکار کر دیا، اور باقی عازمین سوار ہو کر حج پرواز کے ساتھ روانہ ہو گئے۔ جب تک ان کا مسئلہ حل ہوا، دروازے بند ہو چکے تھے، اور پائلٹ نے انکار کر دیا کہ وہ جہاز دوبارہ دروازہ نہیں کھولےگا۔سوشل میڈیا پر وائرل ایک ویڈیو میں عامر قذافی نے بتایا کہ وہ حج کے سفر کے لیے لیبیا کے ایئرپورٹ پہنچے لیکن ان کے نام کی وجہ سے ایک سکیورٹی مسئلہ سامنے آگیا۔ اس دوران باقی حجاج جہاز میں سوار ہو گئے اور جہاز کے دروازے بند ہو گئے۔انہوں نے بتایا کہ جب سکیورٹی مسئلہ حل ہو گیا تو پائلٹ نے جہاز کا دروازہ دوبارہ کھولنے سے انکار کر دیا اور طیارہ ان کے بغیر روانہ ہو گیا۔ اس وقت سکیورٹی افسر نے افسوس کے ساتھ مسکرا کر عامر سے کہا ’اللہ کا حکم، شاید تمہارے نصیب میں حج نہیں ہے‘۔ مگر عامر نے ایئرپورٹ چھوڑنے سے انکار کر دیا اور کہا ’نیت حج کی ہے اور ان شاء اللہ ضرور جاؤں گا۔عامر مایوس نہ ہوئے، بلکہ پورے یقین کے ساتھ ایئرپورٹ پر بیٹھے رہے اور کہا،نیت حج کی ہے، ان شاءاللہ ضرور جاؤں گا! اس کے فوراً بعد اطلاع ملی کہ جہاز میں فنی خرابی پیدا ہو گئی ہے اور اسے واپس ایئرپورٹ پر لینڈنگ کرنا پڑی۔ موقع دیکھ کر ایک بار پھر عامر نے سوار ہونے کی درخواست کی، مگر پائلٹ نے اس بار بھی انکار کر دیا کہ ایک مسافر کے لیے جہاز کے دروازے نہیں کھولے جا سکتے۔پھر وہی ہوا جسے لوگ معجزہ کہتے ہیں۔ پرواز دوبارہ روانہ ہوئی، لیکن کچھ ہی دیر میں دوسری مرتبہ بھی فنی خرابی کے باعث واپس آنا پڑا۔ اس بار پائلٹ کا رویہ بدل چکا تھا۔ اس نے اعلان کیا،یہ جہاز اب عامر کے بغیر نہیں اُڑے گا۔ جب تک عامر سوار نہیں ہوگا، میں پرواز نہیں کروں گا!یوں عامر القذافی کو جہاز میںسوار کیا گیا، اور پرواز بخیر و عافیت سعودی عرب لینڈ کر گئی۔ یہ خبر جیسے ہی سوشل میڈیا پر عام ہوئی، تو صارفین نے اس واقعے کو خلوصِ نیت، صبر اور ایمان کی جیت قرار دیا۔ایک صارف نے لکھا،جب ارادے خالص ہوں تو آسمان فیصلے بدل دیتا ہے۔دوسرے نے کہا،کون کہتا ہے معجزوں کا دور ختم ہو گیا؟ یہ آج بھی ہوتے ہیں اور بعض اوقات جہاز بھی ایک بندۂ خدا کے لیے دو بار پلٹ آتے ہیں۔ایک اور تبصرہ یوں تھایہ حج کا سفر نہیں تھا، یہ عرش سے بلاوا تھا۔ اور جب عرش بلاتا ہے تو زمیں و آسمان کی راہیں خود بخود ہموار ہو جاتی ہیں،عامر کی یہ کہانی حج کے سفر سے بڑھ کر یقین، نیت اور خلوص کی ایسی مثال بن چکی ہے جو آنے والے وقتوں میں روحانی تحریروں کا حصہ بن سکتی ہے۔ بعض لوگ زمین پر غیر معروف ہوتے ہیں، لیکن عرش پر محبوب و مقبول ہوتے ہیں۔

معجزہ یا اتفاق؟ جہاز میں 2 بار فنی خرابی لیبیا کے شہری کی حج پر جانے کی معجزاتی کہانی

لیبیا کے شہری عامر قذافی کی حج پر جانے کی معجزاتی کہانی نے سننے والوں کے دلوں کو حیرت اور ایمان سے بھر دیا

پاکستان نے بنگلا دیش کو پہلے ٹی20 انٹرنیشنل میں 37 رنز سے شکست دے کر 3 میچوں کی سیریز میں 0-1 کی برتری حاصل کرلی۔پاکستان کے دیئے گئے202 رنز کے ہدف کے تعاقب میں بنگلا دیش کی پوری ٹیم آخری اوور میں 164 رنز بنا کرڈھیرہوگئی۔حسن علی نے شاندار باؤلنگ کا مظاہرہ کرتے ہوئے 5 وکٹیں حاصل کیں۔ لاہور کے قذافی اسٹیڈیم میں کھیلے گئے میچ میں پاکستان نے ٹاس جیت کر پہلے بیٹنگ کرتے ہوئے مقررہ 20 اوورز میں7 وکٹوں کے نقصان پر 201رنز بنائے، کپتان سلمان آغا 34 گیندوں پر 56 رنز بنا کر نمایاں رہے۔پاکستان کی جانب سے حسن نواز نے 22 گیندوں پر 4 چھکوں اور 2 چوکوں کی مدد سے 44 رنز کی جارحانہ اننگ کھیلی، شاداب خان 48،محمد حارث 31، خوشدل شاہ نے 5 رنز بنائے۔فخر زمان ایک اور صائم ایوب بغیر کوئی رنز بنائے پویلین لوٹ گئے جبکہ فہیم اشرف 11 اور حسن علی ایک رن بنا کر ناٹ آوٹ رہے۔بنگلادیش کی جانب سے شرف الاسلام نے 2 جبکہ مہدی حسن، حسن محمود، تنظیم حسن ثاقب، راشد حسین اور شمیم حسین نے ایک ایک وکٹ حاصل کی۔202 رنز کے ہدف کے جواب میںبنگلادیش کی ٹیم  آخری اوور میں 164 رنز بنا کر آؤٹ ہوگئی۔بنگلا دیش کی جانب سے کپتان لٹن داس 48 رنز بنا کر نمایاں رہے۔ جاکر علی 36، تنزید حسن 31، توحید ہردوئے 17، شریف الاسلام 5، شمیم حسین 4، پرویز حسین ایمان 4، رشاد حسین 4، مہدی حسن 2 اور تنظیم حسن ثاقب 1 رن بنا کر آؤٹ ہوئے۔حسن محمود 9 رنز بنا کر ناٹ آؤٹ پویلین لوٹے۔پاکستان کی جانب سے حسن علی نے 5 وکٹیں حاصل کیں۔ شاداب خان نے 2 جبکہ فہیم اشرف، خوشدل شاہ اور سلمان آغا نے 1، 1 کھلاڑی کو آؤٹ کیا۔

پہلا ٹی 20، پاکستان نے بنگلادیش کو 37 رنز سےہراکرسیریز میں برتری حاصل کرلی

پاکستان کے202 رنز کے ہدف کے تعاقب میں بنگلا دیش کی ٹیم آخری اوور میں 164 رنز بنا کرڈھیرہوگئی

لاہور (این این آئی)نوجوان پاکستانی اداکارہ ریحام رفیق کو اپنی حالیہ ٹک ٹاک ڈانس ویڈیو پر شدید تنقید کا سامنا کرنا پڑ رہا ہے۔فلم کھیل کھیل میں سے اپنے کیریئر کا آغاز کرنے والی اداکارہ ریحام حالیہ دنوں ایک وائرل ٹک ٹاک ویڈیو کی وجہ سے خبروں میں ہیں۔ ریحام رفیق نے جھوم، کفارہ، جڑواں اور پرورش جیسے ڈراموں میں بھی اہم کردار ادا کیے ہیں۔ اداکاری کے ساتھ ساتھ وہ سوشل میڈیا پر بھی متحرک رہتی ہیں اور وقتا فوقتا ٹرینڈز پر ویڈیوز بناتی رہتی ہیں۔حال ہی میں ریحام رفیق نے’’شیک اٹ ٹو دی میکس‘‘نامی وائرل ڈانس چیلنج پر ویڈیو بنا کر اسے اپنے آفیشل ٹک ٹاک اکانٹ پر شیئر کیا۔ ویڈیو میں وہ آرمی گرین رنگ کی اوور سائز ٹی شرٹ اور پاجامہ پہنے ڈانس کرتی نظر آئیں۔یہ ویڈیو سوشل میڈیا پر وائرل ہو گئی تاہم صارفین کو اداکارہ کا ڈانس غیر مناسب اور ان کے چہرے کے تاثرات غیر اخلاقی لگے جس کی وجہ سے ریحام پر آن لائن شدید تنقید کی جا رہی ہے۔کئی افراد ریحام کی اس ویڈیو پر انہیں آڑے ہاتھوں لیتے ہوئے ان کے شوہر کے صبر کو سراہا۔ کچھ صارفین نے مشورہ دیا کہ شادی کے بعد اس قسم کے مواد سے گریز کرنا چاہیے۔

اداکارہ ریحام رفیق کی بولڈ ڈانس ویڈیو پر سوشل میڈیا صارفین کی تنقید

کئی افراد ریحام کی اس ویڈیو پر انہیں آڑے ہاتھوں لیتے ہوئے ان کے شوہر کے صبر کو سراہا

وزیراعظم شہباز شریف نے کہا ہے کہ بھارت کی پاکستان کا پانی بند کرنے کی دھمکی کسی صورت قبول نہیں، پانی پاکستان کی لائف لائن ہے، بھارت کبھی پاکستان کا پانی نہیں روک پائے گا، پاکستان کی خوش قسمتی ہے کہ ہمارے پاس ترکیہ اور آذر بائیجان جیسے دوست موجود ہیں۔آذربائیجان کے شہر لاچین میں ترکیہ، پاکستان اور آذربائیجان سہ فریقی کانفرنس سے خطاب کرتے ہوئے وزیراعظم نے کہاکہ ہم کانفرنس کی میزبانی پر آذربائیجان کے صدر کے مشکور ہیں۔ شہباز شریف کا کہنا تھا کہ آذربائیجان کے صدر اورعوام کو یوم آزادی کی مبارکباد پیش کرتا ہوں، آذربائیجان نے لڑ کر آزادی حاصل کر کے دنیا کی قوموں میں اپنا مقام بنایا۔انہوں نے کہا کہ پاکستان، ترکیہ اور آذربائیجان کے تاریخی اور ثقافتی تعلقات ہیں، اجلاس اس عزم کا اعادہ ہے کہ تعاون اور دوستی کو نئی بلندیوں تک لے جانا ہے، سہ فریقی اتحاد مستقبل میں مزید مضبوط ہوگا، ترک صدر نے جس انداز میں پی کے کے کا مسئلہ حل کیا وہ قابل ستائش ہے۔انہوں نے کہا کہ پہلگام واقعے کی آڑ میں بھارت نے جارحیت کا راستہ اپنایا جب کہ پاکستان نے اس واقعے کی بھرپور تحقیقات کی پیشکش کی، بھارت نے اس واقعے کے کوئی ثبوت پیش نہیں کیے اور بغیر شواہد کے الزام پاکستان پرعائد کردیا۔وزیراعظم کا کہنا تھا کہ بھارت پاکستان کا پانی روکنا چاہتا ہے جو کبھی نہیں ہوگا، پانی ہمارے 24 کروڑ عوام کی لائف لائن ہے، ہم مسئلہ کشمیر کا حل اقوام متحدہ کی سلامتی کونسل کی قراردادوں کے مطابق چاہتے ہیں۔سہ فریقی کانفرنس سے خطاب کرتے ہوئے صدر آذر بائیجان نے الہام علیوف نے کہا کہ پاکستان، ترکیہ اور آذر بائیجان مشترکہ تاریخ اور ثقافت میں بندھے ہوئے ہیں، 2020ء میں ہوئی جنگ میں ترکیہ اور پاکستان نے ہماری بھرپور مدد کی، تینوں ممالک کے درمیان دفاعی شعبے میں تعاون کے وسیع امکانات ہیں۔انہوں نے کہا کہ ہم دو ارب ڈالر کی سرمایہ کاری کے مںصوبوں کا جائزہ لے رہے ہیں، پاکستان اور ترکیہ کے ساتھ دفاع سمیت مختلف شعبوں میں شراکت داری کو فروغ دے رہے ہیں، تینوں ممالک مشترکہ اہداف کے حصول کے لیے مل کر آگے بڑھ رہے ہیں، تینوں ممالک کے درمیان دفاعی شعبے میں تعاون کے وسیع امکانات ہیں۔انہوں نے کہا کہ پاکستان اور بھارت کے درمیان کشیدگی ہمارے لیے پریشان کن تھی، حالیہ پاک بھارت کشیدگی میں آذربائیجان نے پاکستان کی بھرپور حمایت کی،تنازعات کو پرامن طریقے سے حل کرنا چاہیے۔ ترکیہ کے صدر رجب اردوان نے تقریب سے خطاب کرتے ہوئے کہا کہ آذربائیجان کے عوام کو یومِ آزادی پر مبارکباد پیش کرتا ہوں۔ ترکیہ، آذر بائیجان اور پاکستان تین ممالک اور ایک قوم ہیں۔ آذربائیجان کے ساتھ اپنی دوستی کو مزید مضبوط بنائیں گے۔ترکیہ کے صدر نے خطاب میں کہا کہ کارابخ کی آزادی سے آذربائیجان مزید مضبوط ہوا۔ ترکیہ ہر اچھے اور برے وقت میں آذربائیجان کے ساتھ کھڑا ہے۔ آزاد ہونے والے علاقوں میں مختلف ہوائی اڈوں کا افتتاح کیا ہے۔

بھارت پاکستان کا پانی روکنا چاہتا ہے، جو کبھی نہیں ہو پائے گا، وزیراعظم شہبازشریف

ہم نے حال میں پاکستان سے 5 گنا بڑے دشمن کو شکست دی، آذر بائیجان میں سہ فریقی کانفرنس اور یوم آزادی کی تقریب سے خطاب

پاکستانی دفتر خارجہ کے ترجمان نے کہا ہے کہ بھارتی وزیراعظم نریندر مودی کا اشتعال انگیز بیان قابل افسوس ہے، یہ غیرمتوقع نہیں ہے۔دفتر خارجہ کی جانب سے جاری کئے گئے بیان میں کہا کہ بھارتی وزیراعظم کی پانی جیسے معاہداتی وسائل کو ہتھیار بنانے کی دھمکی عالمی اصولوں سے انحراف ہے۔دفتر خارجہ کے ترجمان نے بتایا کہ ایسی قیادت جو عالمی احترام چاہتی ہو، پہلے اپنی زبان اور ضمیر کا جائزہ لے، موجودہ بھارتی حکومت کے نظریاتی حامی نفرت انگیزی اور اقلیتوں کے خلاف تشدد کو معمول بنا چکے ہیں۔انہوں نے کہا کہ بھارت خود کو مظلوم ظاہر کرنے کے بجائے بین الاقوامی قوانین کا احترام کرے،ترجمان دفتر خارجہ نے کہا ہے کہ بھارتی وزیر اعظم کے بیانات نہ صرف خطے کے امن کے لیے خطرہ ہیں بلکہ یہ ایک مشترکہ معاہدے، بین الاقوامی اصولوں اور سفارتی آداب سے کھلی روگردانی کی عکاسی کرتے ہیں۔انہوں نے مزید کہاکہ ان بیانات میںپانی کو ہتھیار بنانے جیسے اشتعال انگیز خیالات شامل ہیں، جو بھارت کی علاقائی بالادستی کی خواہش اور بین الاقوامی قوانین کی خلاف ورزی کو بے نقاب کرتے ہیں۔ترجمان کا کہنا تھا کہ ایک ذمے دار قیادت وہی ہوتی ہے جو دوسروں کو دھمکیاں دینے سے پہلے خود احتسابی کرے اور اپنے گریبان میں جھانکے،بھارت کا ماضی ماورائے عدالت قتل، بغاوت کو کچلنے اور غیر ملکی علاقوں پر ناجائز قبضے جیسے سنگین الزامات سے بھرا ہوا ہے، خاص طور پر بھارتی مقبوضہ جموں و کشمیر میں منظم ریاستی جبر، انسانی حقوق کی سنگین خلاف ورزیاں اور اقوام متحدہ کی قراردادوں کی خلاف ورزیوں کا ریکارڈ سب کے سامنے ہے۔دفتر خارجہ نے ستم ظریفی پر زور دیتے ہوئے کہا کہ جو ریاست خود مظلوموں پر ظلم ڈھاتی ہے، وہ اب خود کو مظلوم ظاہر کرنے کی کوشش کر رہی ہے۔ بھارت کی موجودہ حکومت کے نظریاتی حامیوں نے ملک میں گروہی تشدد کو معمول بنایا، مذہبی اقلیتوں کو نشانہ بنایا اور نفرت انگیزی کو ایک سیاسی ہتھیار میں تبدیل کر دیا ہے۔دفتر خارجہ نے بھارتی نوجوانوں سے اپیل کی ہے کہ وہ انتہا پسند قوم پرستی کا شکار بننے کے بجائے نفرت پر مبنی سیاست کو مسترد کریں، انہیں چاہیے کہ وقار، رواداری اور علاقائی تعاون پر مبنی ایک بہتر اور پرامن مستقبل کے لیے کردار ادا کریں۔آخر میں پاکستان نے بھارت کو بین الاقوامی نظام کے بنیادی اصولوں کی طرف لوٹنے کی سختی سے تلقین کی، جس میں دوسروں کے خودمختار حقوق، معاہدوں کی پاسداری، اور زبان و عمل دونوں میں تحمل کلیدی اہمیت رکھتے ہیں۔واضح رہے کہ بھارتی وزیراعظم نریندر مودی نے گاندھی نگر میں انتخابی مہم سے خطاب کرتے ہوئے کہا کہ بھارت نے اب تک سندھ طاس معاہدے کے تحت پاکستان کے حصے کے پانی کو ”معطل“ کر رکھا ہے اور اب تک کوئی ٹھوس کارروائی نہیں کی، مگر اس کے باوجود پاکستان ’پسینے پسینے ہو رہا ہے۔مودی نے کہا کہ ہم نے تو ابھی کچھ کیا بھی نہیں، صرف چند دروازے کھولے ہیں، صفائی شروع کی ہے اور پاکستان گھبراہٹ میں مبتلا ہوگیا ہے۔

پانی کو ہتھیار بنانے کی دھمکی، پاکستان کا مودی کے اشتعال انگیز بیان پر شدید ردعمل

بھارتی وزیراعظم کی پانی جیسے معاہداتی وسائل کو ہتھیار بنانے کی دھمکی عالمی اصولوں سے انحراف ہے،ترجمان دفتر خارجہ

پاکستان اور بنگلادیش کے درمیان 3 ٹی 20 میچوں کی سیریز کا آغاز آج سے ہوگا۔تفصیلات کے مطابق پاکستان اور بنگلہ دیش کی کرکٹ ٹیموں کے درمیان تین بین الاقوامی ٹی ٹونٹی میچوں پر مشتمل سیریز کا پہلا میچ آج کھیلا جائے گا ۔ میچ رات 8 بجے قذافی اسٹیڈیم ،لاہور میں شروع ہوگااورٹیپمیڈپربراہ راست دکھایاجائے گا،گزشتہ روز سیریز کی ٹرافی کی رونمائی بھی کی گئی جبکہ دونوں ٹیموں نے لاہور میں بھرپور پریکٹس بھی کی۔بنگلہ دیش کی ٹیم لٹن داس کی قیادت میں میدان میں اترے گی ، آل رائونڈر مہدی حسن نائب کپتان ہوں گےجبکہ دیگر اہم کھلاڑیوں میں نجم الحسن شانٹو،پرویز حسین،راشد حسین،سومیا سرکار،شمیم حسین،حسن محمود ،شرفل الاسلام اورتنویر اسلام شامل ہیں۔پاکستان کی ٹیم کو سلمان علی آغا لیڈ کریں گے جبکہ دیگر اہم کھلاڑیوں میں فخر زمان،صائم ایوب،حسن نواز،عرفان خان،محمد حارث،فہیم اشرف،خوشدل شاہ،حسین طلعت،شاداب خان،ابرا احمد،حسن علی ، محمد وسیم ، نسیم شاہ اور حارث رئوف شامل ہیں۔بنگلہ دیش کی ٹیم اپنے دورہ پاکستان کے دوران میزبان ٹیم کے خلاف 3ٹی ٹوٹی بین الاقوامی میچوں کی سیریز کھیلے گی۔سیریز کاد وسرا میچ جمعہ کو جبکہ تیسرا اور آخری ٹی ٹونٹی میچ اتوار کو کھیلاجائے گا۔تینوں میچ لاہور میں ہی کھیلے جائیں گے۔دوسری جانب   پاکستان کرکٹ ٹیم کے ٹی ٹوئنٹی کپتان سلمان علی آغا نے بنگلہ دیش کیخلاف سیریز میں نئے خون کو موقع دینے کا عندیہ دیدیا۔ٹی20 قائد سلمان علی آغا نے بنگلہ دیش کے خلاف سیریز سے قبل پریس کانفرنس کرتے ہوئے کہا کہ سیریز میں نوجوان کھلاڑیوں کو موقع دیا جائیگا، انٹرنیشنل کرکٹ میں کوئی سیریز آسان نہیں ہوتی، کوشش یہی ہوتی ہے بہترین پلیئنگ الیون کھلائیں۔ادھربنگلا دیش کرکٹ ٹیم کے ہیڈ کوچ فل سمنز نے میڈیا سے گفتگو کرتے ہوئے کہا کہ مستفیض الرحمان ہمارے سینئر باؤلر ہیں ہم انہیں مس کریں گے۔انہوں نے کہا کہ پاکستان کی ٹیم گزشتہ کچھ عرصے سے اچھا نہیں کھیلی لیکن وہ خطرناک ٹیم ہے۔ پاکستان کے خلاف سیریز جیتنے کی کوشش کریں گے۔

پاکستان اور بنگلادیش کے درمیان تین میچوں کی سیریز کا پہلا ٹی 20میچ آج کھیلا جائے گا

میچ رات 8بجےشروع ہوگا،سیریز کاد وسرا میچ جمعہ کو جبکہ تیسرا اور آخری ٹی ٹونٹی میچ اتوار کو کھیلاجائے گا

پاکستان کو ایٹمی طاقت بننے کے 27 سال مکمل ہونے پر ملک بھر میں ’یوم تکبیر‘ ملی جوش و جذبے کے ساتھ منایا جا رہا ہے۔27 برس قبل چاغی کے پہاڑوں میں ایٹمی دھماکے کرنے کے بعد پاکستان اسلامی دنیا کا پہلا اور واحد ایٹمی ملک بن گیا تھا۔دن کا آغاز مساجد میں قرآن خوانی اور پاکستان کی سلامتی کی دعاؤں کے ساتھ ہوا، علماء نے پاکستان کی سربلندی کیلئے خصوصی دعاؤں کا اہتمام کیا۔علمائے کرام کا کہنا تھا کہ 28 مئی کا دن پاکستان کی تاریخ میں نہایت اہمیت کا حامل ہے، آپ پاکستان زیادہ مضبوط اور مستحکم ہیں، آج پوری قوم کا سرفخر سے بلند ہے۔یوم تکبیر 28 مئی 1998 کو پاکستان نے بھارت کے پانچ ایٹمی دھماکوں کے جواب میں 6 دھماکے کر کے خطے میں طاقت کا توازن بحال کیا، پاکستان نے اپنے دفاع کا حق منوایا، چاغی کے پہاڑوں سے اللہ اکبر کی صدا دنیا نے سنی اور پاکستان دنیا کی ساتویں اور اسلامی دنیا کی پہلی ایٹمی طاقت بن کر ابھرا اور اسی دن کویوم تکبیر کے نام سے یاد کیا جاتا ہے۔یوم تکبیر کے حوالے سے آج ملک بھر میں عام تعطیل ہے، وفاقی و صوبائی سطح پر تقریبات، سیمینارز اور ریلیوں کا انعقاد جاری ہے۔صدرِ مملکت آصف علی زرداری نے یومِ تکبیر پر قوم کو مبارکباد پیش کرتے ہوئے کہا کہ ”آج کا دن ہماری قومی خودمختاری، سلامتی اور علاقائی سالمیت کے تحفظ کے عزم کا دن ہے۔ انہوں نے سائنسدانوں، انجینئرز، سول و عسکری قیادت کو خراجِ تحسین پیش کیا اور شہید ذوالفقار علی بھٹو و شہید بینظیر بھٹو کی بصیرت کو سراہا، جنہوں نے ایٹمی پروگرام کو بنیاد اور سمت دی۔وزیراعظم شہباز شریف نے بھی قوم کو یومِ تکبیر کی مبارکباد دیتے ہوئے کہا کہ ”پاکستان اس مرتبہ یومِ تکبیر ایک تاریخی موقع پر منا رہا ہے۔ اللہ کے فضل و کرم سے ہم 6 تا 10 مئی کے معرکہ حق میں کامیاب ہوئے اور دشمن کو منہ توڑ جواب دے کر نکلے۔“ وزیراعظم نے کہا کہ 1998 میں نوازشریف نے جراتمندانہ فیصلہ کرتے ہوئے عالمی دباؤ کو مسترد کیا اور چھ ایٹمی دھماکے کیے، جس سے پاکستان کا دفاع ناقابلِ تسخیر بن گیا۔مسلح افواج اور سروسز چیفس نے بھی اپنے پیغام میں پاکستانی قوم کو یومِ تکبیر کی مبارکباد دی اور کہا کہ ”ہم مادرِ وطن کے دفاع کے لیے مکمل تیار اور پرعزم ہیں۔“ ان کا کہنا تھا کہ یومِ تکبیر ہمیں اُس لمحے کی یاد دلاتا ہے جب پاکستان نے جوہری طاقت بن کر عالمی برادری میں اپنی حیثیت منوائی، اور یہ صلاحیت ایک قومی امانت ہے۔

پاکستان کو ایٹمی طاقت بنے 27 سال مکمل،یوم تکبیر آج ملی جوش و جذبے سے منایا جا رہا ہے

پاکستان نے آج ہی کے دن بھارت کے 5 ایٹمی دھماکوں کے جواب میں 6 دھماکے کر کے خطے میں طاقت کا توازن بحال کیا

سعودی عرب میں ذی الحج کا چاند نظر آ گیا۔سعودی عرب کی سپریم کورٹ نے اعلان کیا ہے کہ ملک بھر کے کئی علاقوں سے ذی الحج کا چاند نظر آنے کی ٹھوس شہادتیں موصول ہوئی ہیں۔عرب میڈیا کے مطابق سعودی عرب میں ذی الحج کا پہلا دن بدھ، 28 مئی 2025 کو ہوگا اس طرح رواں برس حج کا رکن اعظم وقوف عرفات جمعرات 5 جون کو اور سعودی عرب میں عیدالاضحی جمعہ 6 جون کو منائی جائے گی۔اس کے علاوہ انڈونیشیا میں ذی الحج کا چاند نظر آ گیا ہے اور عیدالاضحی جمعہ 6 جون کو ہوگی۔ تاہم ملائیشیا اور برونائی میں ذی الحج کا چاند نظر نہیں آیا اور ان ممالک میں عیدالاضحیٰ ہفتہ 7 جون کو ہوگی۔دوسری جانب عمان،جکارتہ اور انڈونیشیاء میں بھی ذوالحجہ کا چاند نظر آ گیاہے اور عیدالاضحی 6 جون کو ہو گی ۔

سعودی عرب میں ذوالحج کا چاند نظر آ گیا، عید الاضحی 6 جون کو ہوگی

حج کا رکن اعظم وقوف عرفہ 5 جون بروزجمعرات کو ہو گا ، عیدالاضحی 6 جون بروز جمعہ کو منائی جائے گی

اسلام آباد (این این آئی)وزیراعلی خیبر پختونخوا علی امین گنڈاپور نے کہا ہے کہ ہم 26 ویں آئینی ترمیم کے خلاف تھے اور آئندہ بھی رہیں گے۔اسلام آباد ہائی کورٹ کے باہر صحافیوں سے گفتگو کرتے ہوئے علی امین گنڈاپور نے کہا کہ ہم عدلیہ کے ساتھ کھڑے ہیں، آپ کو اس منصب پر بیٹھایا اس لیے ہے کہ آپ انصاف کریں۔انہوںنے کہا ہے کہ بانی کے خلاف تمام مقدمات جھوٹے ہیں، انصاف کریں اور جلد فیصلے دیں۔انہوں نے کہا کہ 26ویں آئینی ترمیم کے خلاف ہم تھے اور رہیں گے، ہم عدلیہ کو کہتے ہیں کہ آپ انصاف پر فیصلے دیں۔انہوں نے بتایا ہمیں 5تاریخ کے لیے پیشی ملی ہے، ہم عمران خان کے ساتھ تھے ،ہیں اور رہیں گے، بانی پی ٹی آئی ہماری اور ہمارے قوم کے بچوں کے لیے جنگ لڑ رہا ہے، بانیٔ پی ٹی آئی کے اوپر کوئی کیس نہیں انہیں بے گناہ کو جیل میں ڈالا ہوا ہے، ان کو شرم آنی چاہیے جو مینڈیٹ چوری کر کے بیٹھے ہیں۔علی امین گنڈا پور کا کہنا ہے کہ ہمارے صوبے میں بانیٔ پی ٹی آئی کی حکومت ہے جو ان کی ہدایت کے مطابق ہے۔ان کا یہ بھی کہنا تھا کہ آئی ایم ایف نے ایک صوبے کو تسلیم کیا ہے، انہوں نے اپنے ٹارگٹ حاصل کیے ہیں، وفاقی حکومت نے کیوں نہیں کچھ کیا سارے فارم 47 والے ہیں۔علی امین گنڈاپور نے کہا ہے کہ 200 ملین کا سر پلس ہے، سندھ میں کیا ہو رہا ہے سر پلس کیوں نہیں آیا، ریڈزون کے ایس او پیز بنے ہوئے ہیں ہم سیاسی پارٹی ہیں، ہم خود کہتے ہیں احتجاج ہونے چاہئیں ہم نے کسی کو نہیں روکا، جے یو آئی نے پانچ جلسے کیے ہم نے سیکیورٹی دی۔

چھبیسویں آئینی ترمیم کے خلاف تھے اور رہیں گے، علی امین گنڈاپور

عدلیہ کے ساتھ کھڑے ہیں، آپ کو اس منصب پر انصاف پر مبنی فیصلے کرنے کیلئے بٹھایا گیا ہے ، وزیراعلی پختونخوا

پاکستان میں ذوالحجہ 1446 ہجری کا چاند نظر نہیں آیا یکم ذوالحجہ 29 مئی بروزجمعرات کو جب کہ عید الاضحی جون بروز ہفتہ ہوگی۔ چیئرمین رویت ہلال کمیٹی مولانا عبدالخبیر آزاد نے اسلام آباد میں پریس کانفرنس کے دوران چاند کی رویت سے متعلق اعلان کیا۔تفصیلات کے مطابق چیئرمین مرکزی رویت ہلال کمیٹی مولانا سید عبدالخبیرآزاد کے زیرصدارت رویت ہلال کمیٹی کا اسلام آباد  اجلاس ہوا، ملک بھر سے کہیں سے بھی  ذی الحجہ کے چاند کی کوئی شہادت موصول نہیں ہوئی، عیدالاضحی ہفتہ سات جون کو ہوگی ۔

پاکستان میں ذی الحج کا چاند نظر نہیں آیا، عید الاضحی 7 جون بروزہفتہ کو ہوگی

یکم ذوالحجہ 29 مئی بروزجمعرات کو ہوگی، چیئرمین مرکزی رویت ہلال کمیٹی مولانا عبدالخبیرآزاد کا اعلان

آرمی چیف فیلڈ مارشل عاصم منیر نے ایران کی مسلح افواج کے چیف آف جنرل اسٹاف سے ملاقات کی جس میں دفاعی تعلقات کو مزید مضبوط بنانے پر اتفاق کیا گیا۔پاک فوج کے شعبہ تعلقات عامہ (آئی ایس پی آر) کے مطابق آرمی چیف فیلڈ مارشل عاصم منیر نے ایران کے دورے پر تہران میں موجود ہیں، انہوں نے ایرانی جنرل اسٹاف ہیڈکوارٹر کا دورہ کیا۔ترجمان پاک فوج کا کہنا تھا کہ فیلڈ مارشل عاصم منیر نے ایران کے مسلح افواج کے چیف آف جنرل اسٹاف میجر جنرل محمد باقری سے ملاقات کی۔ملاقات میں پاک ایران عسکری قیادت کی خطے کی سیکیورٹی صورتحال پر تبادلہ خیال کیا، ملاقات میں سرحدی سلامتی، دفاعی تعاون اور اقتصادی روابط پر بھی بات چیت ہوئی۔آئی ایس پی آر کے مطابق پاک ایران دفاعی تعلقات کے حوالے سے تبادلہ خیال کیا گیا اور اس دوران دفاعی تعلقات کو مزید مضبوط بنانے پر اتفاق ہوا جب کہ پاک ایران بارڈر کو معاشی خوشحالی کے زون میں تبدیل کرنے پر بھی گفتگو ہوئی۔ترجمان پاک فوج نے بتایا کہ فیلڈ مارشل عاصم منیر کو ایرانی افواج کی جانب سے گارڈ آف آنر پیش کیا گیا۔

فیلڈ مارشل کی ایرانی چیف آف جنرل اسٹاف سے ملاقات، باہمی دلچسپی کے امور پر گفتگو

فیلڈ مارشل سید عاصم منیر کو ایرانی مسلح افواج کے چاق و چوبند دستے نے گارڈ آف آنر پیش کیا

پنجاب حکومت نے یوم تکبیر کے موقع پر صوبے بھر کے اسکولز کھلے رکھنے کا فیصلہ کر لیا ہے،اسکولز میں یوم تکبیر کو جوش و خروش سے منایا جائے گا، اسکول اسمبلی میں خصوصی پروگرام کا انتظام کیا جائے گا اس حوالے سے محکمہ اسکول ایجوکیشن کی جانب سے تمام ضلعی ایجوکیشن اتھارٹیز کو باضابطہ مراسلہ بھی ارسال کر دیا گیا ہے۔مراسلے کے مطابق 28 مئی کو یوم تکبیر کے موقع پر صوبے بھر کے سرکاری اسکولز میں خصوصی تقریبات منعقد کی جائیں گی، جن میں تقاریر، ملی نغمے، آرٹ مقابلے اور پاک افواج کو خراج تحسین پیش کرنے کے خصوصی پروگرامز شامل ہوں گے۔ضلعی سطح پر یوم تکبیر کے مقابلے منعقد کیے جائیں گے، جن میں کامیاب طلبہ کو 50 ہزار روپے تک کے انعامات بھی دیے جائیں گے۔ مراسلے میں واضح کیا گیا ہے کہ ان تقریبات کا مقصد طلبہ کو ایٹمی طاقت کی قومی اہمیت اور ملکی دفاع کی افادیت سے روشناس کرانا ہے۔یوم تکبیر کے پروگرامز مکمل ہونے کے بعد صوبے میں گرمیوں کی تعطیلات کا باضابطہ اعلان کیا جائے گا۔ حکام کا کہنا ہے کہ یہ اقدام قومی جذبے کو فروغ دینے اور نئی نسل کو ملکی تاریخ سے آگاہی فراہم کرنے کے لیے کیا جا رہا ہے۔یوم تکبیر کے پروگرامز کے بعد گرمیوں کی چھٹیوں کا اعلان کیا جائے گا۔

پنجاب حکومت نے یوم تکبیرکے موقع پر اسکول کھلے رکھنے کا اعلان کردیا

اسکولز میں یوم تکبیر کو جوش و خروش سے منایا جائے گا، اسکول اسمبلی میں خصوصی پروگرام کا انتظام کیا جائے گا

پاکستان سپر لیگ (پی ایس ایل) کا حصّہ بننے والی آسٹریلوی اسپورٹس پریزنٹر ایرن ہالینڈ نے پاکستانی طریقے سے چائے بنانا سیکھ لی۔ ایرن ہالینڈ نے فوٹو اینڈ ویڈیو شیئرنگ ایپ انسٹاگرام پر اپنی ایک ویڈیو شیئر کی ہے۔ اس ویڈیو میں اُنہیں ایک چائے کے اسٹال پر چائے والے سے دودھ پتّی یعنی بغیر پانی ڈالے چائے بنانا سیکھتے دیکھا جا سکتا ہے۔ ایرن ہالینڈ دودھ پتّی بنانے کے بعد اسے مزے سے پیتی ہوئی بھی نظر آ رہی ہیں۔اُنہیں دودھ پتّی اتنی پسند آئی کہ ویڈیو شیئر کرتے ہوئے کیپشن میں لکھا کہ آسٹریلیا میں بھی چائے بنانے کے اس طریقے کو آزماؤں گی۔اس ویڈیو کو سوشل میڈیا پر صارفین کی جانب سے بہت پسند کیا جا رہا ہے اور دلچسپ تبصرے بھی کیے جا رہے ہیں۔ایرن ہالینڈ پچھلے کئی سالوں سے پی ایس ایل میں پریزنٹر کے فرائض انجام دینے کے لیے پاکستان آ رہی ہیں اور یہاں کی تہذیب سے بہت متاثر ہیں۔

اسپورٹس پریزنٹرایرن ہالینڈ نے دودھ پتی بنانا سیکھ لی، ویڈیو وائرل

وائرل ویڈیو میں اُنہیں ایک چائے کے اسٹال پردودھ پتّی بنانا سیکھتے دیکھا جا سکتا ہے

پاکستان نے بھارتی وزیراعظم نریندر مودی کی گجرات میں حالیہ تقریر کو نفرت انگیز، پرتشدد اور عالمی اصولوں کی خلاف ورزی قرار دیتے ہوئے عالمی برادری سے نوٹس لینے کا مطالبہ کیا ہے۔تفصیلات کے مطابق پاکستان نے بھارتی وزیراعظم کے گجرات میں دئیے گئے حالیہ بیان کا سخت نوٹس لیا ہے اور کہا ہے کہ ایک ایٹمی ملک کے وزیراعظم سے اس طرح کے بیان کی توقع نہیں تھی۔ترجمان دفتر خارجہ شفقت علی خان نے کہا ہے کہ بھارتی وزیراعظم نے ایک ایٹمی طاقت کے سربراہ کے شایانِ شان سنجیدگی کی بجائے انتخابی مہم کے انداز میں بیان دیا اور ان کے بیان میں نفرت اور تشدد انگیز لب و لہجہ نہایت تشویشناک ہے۔ترجمان کا کہنا ہے کہ بھارتی وزیراعظم کا بیان پہلے سے غیر مستحکم خطے میں خطرناک نظیر قائم کرنے کی کوشش ہے، ہم بھارتی قیادت میں سیاسی بلوغت اور شائستگی کے زوال پر افسوس کا اظہار کرتے ہیں۔دفتر خارجہ نے کہا ہے کہ ایسے بیانات اقوامِ متحدہ چارٹر کے بنیادی اصولوں کی کھلی خلاف ورزی ہیں، اقوام متحدہ چارٹر کے اصول رکن ممالک کو تنازعات پرامن طریقے سے حل کرنے کا پابند کرتے ہیں۔شفقت علی خان نے کہا کہ پاکستان ان بیانات کو ایک غیر ذمہ دارانہ اشتعال انگیزی سمجھتا ہے، اس بیان کا مقصد مقبوضہ جموں و کشمیر میں جاری انسانی حقوق کی خلاف ورزیوں اور آبادی کے تناسب کے ساتھ کھلواڑ سے توجہ ہٹانا ہے۔انہوں نے کہا کہ پاکستان کی اقوامِ متحدہ امن مشنز میں شرکت اور دہشت گردی کے خلاف عالمی کوششوں میں تعاون کا ریکارڈ، کسی بھی اشتعال انگیز بیان سے زیادہ واضح اور بامعنی ہے، اگر انتہا پسندی واقعی بھارتی حکومت کے لیے ایک مسئلہ ہے تو اُسے چاہیے کہ وہ اپنے اندر جھانکے۔پاکستان کے دفتر خارجہ نے خدشہ ظاہر کیا ہے کہ بھارت میں ہندوتوا نظریے کے تحت اکثریتی تسلط، مذہبی عدم برداشت اور اقلیتوں کی منظم محرومی میں خطرناک اضافہ ہو رہا ہے۔پاکستان نے واضح کیا ہے کہ وہ باہمی احترام اور خودمختاری کی برابری کی بنیاد پر امن کے لیے پرعزم ہے، لیکن اگر پاکستان کی سلامتی یا علاقائی سالمیت کو خطرہ لاحق ہوا تو اُس کا اقوامِ متحدہ کے چارٹر کے آرٹیکل 51 کے تحت بھرپور اور مناسب جواب دیا جائے گا۔دفتر خارجہ نے عالمی برادری سے اپیل کی ہے کہ بھارتی جارحانہ بیانات نہ صرف علاقائی استحکام بلکہ دیرپا امن کے امکانات کو بھی نقصان پہنچا رہی ہے اس لیے عالمی برادری بھارت کی بڑھتی ہوئی اشتعال انگیز بیان بازی کا سنجیدگی سے نوٹس لے۔واضح رہے کہ بھارتی وزیراعظم نریندر مودی نے گجرات میں ایک ریلی سے خطاب میں دنیا کی آنکھوں میں دھول جھونکتے ہوئے پاکستان پر دوبارہ دہشت گردی کا الزام لگا دیا۔انڈین وزیراعظم نے کہا تھا کہ پاکستان کے لوگوں کو کہنا چاہتا ہوں، آپ نے کیا پایا؟ انڈیا دنیا کی چوتھی بڑی معیشت بن گیا اور تمہارا کیا حال ہے۔مودی نے ڈرامائی انداز میں یہ بھی کہا کہ پاکستان کو آتنک کی بیماری سے مکت کرنے کیلئے پاکستان کے عوام کو آگے آنا ہوگا، پاکستان کے نوجوانوں کو آگے آنا ہوگا، سکھ چین کی زندگی جیو، روٹی کھاؤ۔ ورنہ میری گولی تو ہے۔

مودی کی پاکستانی نوجوانوں کو ’’روٹی یا گولی‘‘ کی دھمکی پرپاکستان کاردعمل

عالمی برادری انتہا پسند مودی کے نفرت انگیزاور پرتشدد بیانات کا نوٹس لے، پاکستان

ایرانی سپریم لیڈر علی خامنہ ای نے اپنے بیان میں کہافلسطینی مسئلے پر پاکستان کا مؤقف قابلِ تحسین رہا ہے،صہیونی ریاست سےتعلقات کیلئے اسلامی ممالک پرہمیشہ دباؤ رہا ہے،لیکن پاکستان کبھی بھی ان ترغیبات اور دباؤ سے متاثر نہیں ہوا۔تفصیلات کے مطابق  ایران کے سپریم لیڈر آیت اللہ خامنہ ای نے مسئلہ فلسطین پرپاکستان کے مؤقف کی ستائش کرتے ہوئے کہا ہے کہ ایران اور پاکستان کو مل کر صیہونی حکومت کو غزہ میں جرائم سے روکنا چاہئے۔ایران کے سپریم لیڈر آیت اللہ علی خامنہ ای نے پاکستانی وزیراعظم شہباز شریف سے ملاقات کے بعد سوشل میڈیا پر جاری بیان میں کہا ہے کہ مسئلہ فلسطین پر پاکستان کامؤقف نہایت قابل ستائش ہے، اسرائیل سے تعلقات قائم کرنے کیلئے مسلم ممالک کو ہمیشہ ترغیبات رہی ہیں تاہم ان ترغیبات سے پاکستان کبھی متاثرنہیں ہوا۔آیت اللہ خامنہ ای نے اس بات پر افسوس ظاہر کیا کہ بعض مسلم ممالک صیہونی حکومت کا ساتھ دے رہے ہیں، باہمی تعاون کے ذریعے ایران اور پاکستان مسلم دنیا میں اہم اور پراثر کردار ادا کرسکتے ہیں اور مسئلہ فلسطین کو موجودہ غلط سمت سے ہٹا کر اس کی سمت درست کی جاسکتی ہے۔ایران کے سپریم لیڈر نے کہا کہ وہ مسلم دنیا کے مستقبل سے پرامید ہیں اورکئی ایسی پیشرفت ہوئی ہیں جو اس امید کو تقویت پہنچاتی ہیں۔سوشل میڈیا پر اپنے بیان میں آیت اللہ خامنہ ای نے پاک بھارت تنازع میں کمی پر اطمینان کااظہار کیا اور امید ظاہر کی کہ دونوں اقوام کے درمیان تنازعات کا حل نکالا جائے گا۔انہوں نے کہا کہ ایک ایسے وقت جب جنگوں کے حامی دنیا بھر میں تنازعات اور تقسیم پھیلانے کی کوشش میں ہیں، مسلم دنیا میں سلامتی اور تحفظ کا اہم ذریعہ مسلم اقوام کے درمیان اتحاد اور تعلقات کی مضبوطی میں ہے۔آیت اللہ خامنہ ای نےاس بات پر زور دیا کہ ایران اور پاکستان کے درمیان تعاون کے ذریعے اقتصادی تعاون تنظیم ای سی او کو پھر سے فعال کیا جانا چاہئے۔یاد رہے کہ گزشتہ روز وزیراعظم شہباز شریف نے ایران کے رہبرِ اعلیٰ آیت اللّٰہ خامنہ ای سے تہران میں ملاقات کی تھی۔اس موقع پر وزیراعظم شہباز شریف نے بھارت کی جارحیت اور توسیع پسندانہ عزائم پر بریفنگ دی، ملاقات میں پاک ایران اسٹریٹجک تعلقات کو نئی بلندیوں تک لے جانے کے عزم کا اظہار کیا گیا۔

مسئلہ فلسطین پر پاکستان کا مؤقف نہایت قابل ستائش رہاہے،ایرانی سپریم لیڈر

صہیونی ریاست سےتعلقات کیلئے اسلامی ممالک پرہمیشہ دباؤ رہا ہے، آیت اللہ خامنہ ای

ذوالحج چودہ سو چھیالیس ہجری کا چاند دیکھنے کیلئے مرکزی رویت ہلال کمیٹی کا اجلاس آج اسلام آباد میں منعقد ہوگا، مرکزی رویت ہلال کمیٹی کے اجلاس کی صدارت چیئرمین مولانا سید محمد عبدالخبیر آزاد کریں گے۔زونل رویت ہلال کمیٹیاں بھی ذی الحج کے چاند کی رویت کے لیے اپنے اپنے متعلقہ صدر دفاتر میں اجلاس میں منعقد کریں گی۔دوسری جانب اسپارکو نے پیشگوئی کی ہے کہ آج چاند نظر آنے کے امکانات تقریباً نہ ہونے کے برابر ہیں،کیونکہ آج غروب آفتاب کے وقت چاند کی عمر 11 گھنٹے ہوگی۔ جڑواں شہروں سمیت مختلف علاقوں میں تیز ہواؤں اور گرج چمک کے ساتھ بارش کی پیشگوئیاسپارکو کا کہنا ہے کہ یکم ذوالحج 29 مئی کو ہونے کی توقع ہے اگر آج چاند نظر نہیں آتا تو عیدالاضحی 7 جون کو ہونے کا امکان ہے۔آج سعودی عرب اور متحدہ عرب امارات میں بھی ذو الحج کا چاند دیکھا جائے گا۔ماہرین فلکیات کے مطابق خلیجی ریاستوں میں آج چاند نظر آنے کا امکان ہے۔

عیدالاضحی کا چاند دیکھنے کیلئے مرکزی رویت ہلال کمیٹی کا اجلاس آج اسلام آباد میں ہوگا

مرکزی رویت ہلال کمیٹی کے اجلاس کی صدارت چیئرمین مولانا سید محمد عبدالخبیر آزاد کریں گے

The year 2024 brought many highs, lows, and changes to the Pakistan Cricket team. From historic losses to historic wins, this year truly changed the shape of the Pakistan cricket team.

2024: A Year of Historic Highs and Lows for Pakistan Cricket

The year 2024 brought many highs, lows, and changes to the Pakistan Cricket team. From historic losses to historic wins, this year truly changed the shape of the Pakistan cricket team.&nbsp;

2024 didn&rsquo;t bring much luck with it for the PCT as the team&rsquo;s first test assignment of the year against Australia resulted in a 3-0 whitewash.&nbsp;

This was also Shan Masood&rsquo;s first engagement as the captain of the Pakistan test team so a humiliating defeat, that too with a new captain didn&rsquo;t leave a pleasing impression on anyone.&nbsp;

The team&rsquo;s struggles on and off the field continued with Babar Azam getting replaced by Shaheen Shah as the captain of the Pakistan white-ball team.&nbsp;

A new captain sure brought a wave of new hope, but the result was opposite of what the PCB or anyone else was expecting.&nbsp;

Pakistan suffered from a crushing 4-1 defeat in a five-match T20I series against New Zealand. This was also the first and final stint of Shaheen Shah Afridi as captain of the Pakistan national team.&nbsp;

A series defeat resulted in Shaheen&rsquo;s captaincy getting sacked and Babar Azam getting reinstated as the captain of the Pakistan white-ball team.&nbsp;

This decision created a rift between Shaheen and Babar which took a lot of time to settle.&nbsp;

Adding further to the confusion were Mohammad Amir and Imad Wasim, who took back their retirement decision and made themselves available for the ICC Men&rsquo;s T20 World Cup 2024.&nbsp;

The preparations for the mega event didn&rsquo;t go as planned as Pakistan suffered from a historic match loss against Ireland, right before the T20 World Cup.&nbsp;

They then toured England for a final pre-World Cup series, only to lose 0-2, with two matches washed out.

Pakistan team&rsquo;s struggle in the shortest format of the game was further highlighted during the mega event where they lost to a debuting USA team and were forced to exit from the tournament in the group stage.

After the World Cup fiasco, Pakistan team&rsquo;s struggles continued in the test format when they lost to Bangladesh 2-0 on their own home ground for the first time in history.

The loss included a crushing 10-wicket defeat in the first Test which raised serious questions about the team&rsquo;s approach to Test cricket and left the captain, Shan Masood, under immense pressure.

Enough about the losses as the team also had some good moments to look back at.&nbsp;

Mohammad Rizwan was appointed as the skipper of the Pakistan ODI and T20I team after Babar Azam officially quit the captaincy role.&nbsp;

Under Rizwan, Pakistan pulled off a historic series win in Australia, clinching a 2-1 victory in a three-match ODI series&mdash;Pakistan&rsquo;s first series win in Australia since 2002.

Pakistan&rsquo;s performance in ODI cricket continued to improve under Rizwan as he led the team to a 2-1 victory in Zimbabwe, followed by a historic victory against South Africa.

The Men in Green achieved a new record by becoming the only team to defeat South Africa 3-0 in an ODI series.&nbsp;

This victory did bring a lot of joy to the team towards the end of this upsetting year.&nbsp;

2024: A Year of Historic Highs and Lows for Pakistan Cricket

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan