Cricket

Entertainment

Football

ٹی 20 سیریز کے دوسرے میچ میں پاکستان نے بنگلا دیش کو 57 رنز سے شکست سے دے کر تین میچوں کی سیریز میں 0-2 کی فیصلہ کن برتری حاصل کرلی۔پاکستان کے دیئے گئے 202رنز کے ہدف کے تعاقب میں بنگلادیشی ٹیم144رنز بنا کرآئوٹ ہوگئی۔ قذافی اسٹیڈیم لاہور میں ہونیوالے ٹی 20 سیریز کے دوسرے میچ میں قومی کرکٹ ٹیم کے کپتان سلمان علی آغا نے ٹاس جیت کر پہلے بیٹنگ کرنے کافیصلہ کیا۔قومی کرکٹ ٹیم نے مقررہ 20 اوورز میں 6 وکٹوں کے نقصان پر 201 رنز بنائے، صاحبزادہ فرحان 71 رنز کیساتھ نمایاں رہے جبکہ محمد نواز نے 51 رنز کی ناقابل شکست اننگز کھیلی۔پاکستان کی جانب سے اننگز کا آغاز صاحبزادہ فرحان اور صائم ایوب نے کیا تاہم صائم ایوب 12 کے مجموعی سکور پر 4 رنز بنا کر پویلین لوٹ گئے، محمد حارث نے 41، کپتان سلمان آغا نے 19 ، شاداب خان نے 7 رنز بنائے جبکہ فہیم اشرف ایک رن بناکر چلتے بنے۔بنگلادیش کی جانب سے حسن محمود اور تنظیم حسن نے 2،2 جبکہ راشد حسین نے ایک وکٹ حاصل کی۔پاکستان کے دیئے گئے 202رنز کے ہدف کے تعاقب میں بنگلادیش کی ٹیم 19 اوورز میں 144 رنز بنا سکی۔بنگلادیش کی جانب سے تنظیم حسن ثاقب 50 رنز بنا کا نمایاں رہے۔ تنزید حسن 33، مہدی حسن میراز 23، پرویز حسین ایمان 8، شمیم حسین 7، کپتان لٹن داس 6، توحید ہردوئی 5، رشاد حسین 1 اور جاکر علی صفر کے اسکور پر آؤٹ ہوئے۔حسن محمود 8 رنز کے ساتھ ناٹ آؤٹ پویلین لوٹے جبکہ شریف الاسلام انجری کے باعث بیٹنگ کرنے نہیں آسکے۔پاکستان کی جانب سے ابرار احمد نے 3، جبکہ فہیم اشرف، شاداب خان، صائم ایوب، خوشدل شاہ، حسن علی اور حارث رؤف نے 1، 1 کھلاڑی کو آؤٹ کیا۔یاد رہے پہلے ٹی 20 میں پاکستان نے بنگلادیش کو 37 رنز سے شکست دی تھی۔

دوسرا ٹی 20، پاکستان نےبنگلادیش کو 57 رنز سےہراکر سیریز 2-0 سے جیت لی

پاکستان کے دیئے گئے 202رنز کے ہدف کے تعاقب میں بنگلادیشی ٹیم144رنز بنا کرآئوٹ ہوگئی

راولپنڈ(این این آئی)فیلڈمارشل عاصم منیرنے کسی بھی جارحیت کو شکست دینے کے عزم کا اعادہ کرتے ہوئے کرتے ہوئے کہاہے کہ پاکستان کودبایا نہیں جا سکتا، بھارتی آبی دہشتگردی غیر قانونی، ناقابل قبول ہے،دشمن کے عزائم کوشکست دی جائے گی۔آئی ایس پی آر کی جانب سے جاری بیان کے مطابق فیلڈ مارشل سید عاصم منیر نے کمانڈ اینڈ اسٹاف کالج کوئٹہ کا دورہ کیا ،جہاں انہوںنے آپریشن بنیان مرصوص کے شہدا کو خراج عقیدت پیش کیا اور ان کے خاندانوں سے مکمل اظہار یک جہتی کرتے ہوئے کہاکہ قومی قیادت کے زیر پاکستان کے عوام مادر وطن کے دفاع کیلئے فولاد کی دیوار بن گئے ہیں۔فیلڈ مارشل نے کہاکہ معرکہ حق کی کامیابی ہمارے قومی عزم اور تمام عناصر قومی طاقت کے درمیان مکمل ہم آہنگی کی گواہی دیتی ہے۔انہوں نے عالمی اور علاقائی ماحول پر فیلڈ مارشل نے ابھرتے ہوئے تنازعات کی نوعیت پر روشنی ڈالی اور خاص طور پر بھارت کی جانب سے پاکستان کے خلاف غیر ضروری فوجی جارحیت کے بڑھتے ہوئے رجحان پر زور دیا۔فیلڈ مارشل نے کسی بھی جارحیت کو شکست دینے اور مکمل تنازع کے دائرہ کار میں خطرات سے نمٹنے کی صلاحیت کا اعادہ کیاکہ پاکستان کو کبھی بھی دبایا نہیں جا سکتا اور دہشت گردی کے خلاف جنگ میں پاکستان کی کوششوں کو ناکام بنانے کے دشمن عزائم کو مکمل طور پر شکست دی جائے گی۔ فیلڈمارشل نے مسئلہ کشمیر کے دیرینہ اور بین الاقوامی طور پر تسلیم شدہ تنازع کے پرامن حل پر زور دیتے ہوئے کہاکہ بھارتی آبی دہشت گردی کے غیر قانونی اور ناقابل قبول ہے۔فیلڈ مارشل نے کہاکہ دہشت گردی کی ہر قسم اور ہر شکل کے خلاف قومی جدوجہد منطقی انجام تک پہنچے گی۔فیلڈ مارشل عاصم منیر نے سٹوڈنٹ آفیسرز کو اپنی ذمہ داریاں بھرپور عزم، جذبے اور لگن سے ادا کرنے کی تلقین کی اور انہوں نے تخلیقی سوچ اور تحقیق کی ضرورت پر زور دیتے ہوئے کمانڈ اینڈ اسٹاف کالج کوئٹہ کی طرف سے مستقبل کے عسکری رہنماؤں کی اعلیٰ معیار کی تربیت کو سراہا۔آئی ایس پی آر کے مطابق فیلڈ مارشل نے کہاکہ تربیت نہ صرف موجودہ حالات کی عکاسی کرے بلکہ ہمیں مستقبل کے میدان جنگ کے لیے بھی تیار کرے جہاں چستی، جدت اور غیر متزلزل عزم درکار ہوگا۔قبل ازیں کوئٹہ پہنچنے پر فیلڈ مارشل کا استقبال کور کمانڈر کوئٹہ اور کمانڈنٹ کمانڈ اینڈ سٹاف کالج کوئٹہ نے کیا۔

پاکستان کودبایا نہیں جا سکتا، بھارتی آبی دہشت گردی غیر قانونی، ناقابل قبول ہے،فیلڈمارشل

فیلڈمارشل کا کمانڈ اینڈ اسٹاف کالج کوئٹہ کا دورہ ،آپریشن بنیان مرصوص کے شہدا کو خراج عقیدت پیش ،خاندانوں سے اظہار یکجہتی

حکومت نے عیدالاضحی کے لیے تعطیلات کا اعلان کردیا، وزیراعظم نے چار دن کی چھٹیوں کی منظوری دے دی۔تفصیلات کے مطابق وفاقی حکومت نے عیدالاضحی کے لیے تعطیلات کا باضابطہ اعلان کردیا۔وزیراعظم شہباز شریف نے 4 ملکی دورہ مکمل ہونے کے بعد پاکستان پہنچ کر عیدالاضحی کے موقع پر 4 چھٹیوں کی منظوری دے دی ہے۔عیدالاضحی کے حوالے سے تعطیلات کے فیصلے کے مطابق ملک بھر میں جمعہ سے پیر یعنی 6 تا 9 جون 4 دن کی تعطیلات کا اعلان کیا گیا ہے۔ اس دوران تمام سرکاری و نجی دفاتر، تعلیمی ادارے اور بینک بند رہیں گے۔

وفاقی حکومت نے عیدالاضحی کی چھٹیوں کا اعلان کردیا

جمعہ6 جون سے پیر 9 جون تک عیدالاضحی کی چارسرکاری چھٹیاں ہوں گی

کراچی کے علاقے عائشہ منزل کے قریب ملزمان شہری سےقربانی کےجانور اور رکشہ چھین کرفرار ہوگئے ہیں۔تفصیلات کے مطابق قربانی کےجانور اور رکشہ چھیننے کے  واقعےکے بعد متاثرہ شہری زارو قطار روتا رہا۔اس حوالے سے پولیس کا کہنا ہے کہ گزشتہ روز ہونے والے واقعےکا مقدمہ متاثرہ شہری راشد کی مدعیت میں تھانہ عزیز آباد میں درج کیا گیا ہے۔ ایف آئی آر کے مطابق متاثرہ شہری کے مطابق وہ اپنے 3 دنبے لے کر اپنے گھر واقع ایف سی ایریا جا رہا تھا کہ اس دوران عائشہ منزل کے قریب 2 موٹر سائیکلوں پر سوار 4 ملزمان نے اسے روکا اور تینوں دنبوں سمیت رکشہ چھین کر فرار ہوگئے۔

کراچی میں ڈاکو شہری سے قربانی کے جانور اور رکشہ چھین کر فرار ہوگئے

واقعے کا مقدمہ متاثرہ شہری راشد کی مدعیت میں تھانہ عزیز آباد میں درج کرلیاگیا ہے

چیئرمین جوائنٹ چیف آف اسٹاف کمیٹی جنرل ساحر شمشاد مرزا نے کہا ہے کہ پاکستان اور بھارت اپنی سرحد پر تعینات فوج کی تعداد کو حالیہ کشیدگی سے پہلے کی صورتحال پر لانے کے قریب ہیںتاہم اس بحران نے مستقبل میں کشیدگی کے خطرے میں اضافہ کر دیا ہے، کسی بھی وقت اسٹریٹجک مس کیلکولیشن کو مسترد نہیں کر سکتے۔چیئرمین جوائنٹ چیفس آف اسٹاف جنرل ساحر شمشاد مرزا نے برطانوی خبر رساں ادارے کو دیے گئے انٹرویو میں کہا کہ دونوں افواج نے اپنی فوج کی سطح میں کمی کے عمل کا آغاز کر دیا ہے۔جنرل ساحر شمشاد مرزا نے کہا کہ ہم تقریباً 22 اپریل سے پہلے کی صورتحال پر واپس آچکے ہیں، ہم اس کے قریب پہنچ رہے ہیں، یا ممکنہ طور پر پہنچ چکے ہیں۔سنگاپور میں شنگریلا ڈائیلاگ فورم میں شرکت کے لیے موجود جنرل ساحر شمشاد مرزا نے کہا کہ اگرچہ اس تنازع کے دوران جوہری ہتھیاروں کی جانب کوئی قدم نہیں اٹھایا گیا، مگر یہ ایک خطرناک صورتحال تھی۔انہوں نے کہا کہ اس بار کچھ نہیں ہوا، لیکن آپ کسی بھی وقت اسٹریٹجک مس کیلکولیشن کو مسترد نہیں کر سکتے، کیونکہ جب بحران ہوتا ہے تو ردعمل مختلف ہوتے ہیں۔انہوں نے کہا کہ مستقبل میں کشیدگی کے امکانات بڑھ گئے ہیں کیونکہ اس بار کی لڑائی صرف کشمیر کے متنازع علاقے تک محدود نہیں رہی۔ جنرل ساحر شمشاد مرزا نے مزید کہا کہ ’یہ تنازع دو متصل ایٹمی طاقتوں کے درمیان حد کو کم کرتا ہے، مستقبل میں یہ صرف متنازع علاقے تک محدود نہیں رہے گا بلکہ یہ پورے بھارت اور پورے پاکستان تک پھیل جائے گا، یہ ایک بہت خطرناک رجحان ہے۔جنرل ساحر شمشار مرزا نے خبردار کیا کہ مستقبل میں بین الاقوامی ثالثی مشکل ہو سکتی ہے کیونکہ دونوں ممالک کے درمیان بحران سے نمٹنے کا کوئی مؤثر نظام موجود نہیں۔انہوںنے کہاکہ عالمی برادری کے لیے مداخلت کا وقت بہت کم ہوگا، اور میں کہوں گا کہ عالمی برادری کی مداخلت سے قبل ہی نقصان اور تباہی ہوسکتی ہے۔انہوں نے کہا کہ پاکستان بات چیت کے لیے تیار ہے، لیکن دونوں ممالک کے درمیان ڈائریکٹر جنرلز آف ملٹری آپریشنز کے درمیان ایک بحرانی ہاٹ لائن اور سرحد پر کچھ ٹیکٹیکل سطح کے ہاٹ لائنز کے سوا کوئی اور رابطہ نہیں ہے۔بھارتی وزارت خارجہ کے ترجمان نے جمعرات کو پاکستان کے ساتھ بات چیت کے امکان پر ایک سوال کے جواب میں کہا کہ بات چیت اور دہشت گردی ساتھ ساتھ نہیں چل سکتے۔جنرل ساحر شمشاد مرزا نے کہا کہ کشیدگی کم کرنے کے لیے کوئی بیک چینل یا غیر رسمی بات چیت نہیں ہورہی، انہوں نے یہ بھی کہا کہ ان کی بھارتی چیف آف ڈیفنس اسٹاف جنرل انیل چوہان سے ملاقات کا کوئی منصوبہ نہیں ہے، جو کہ سنگاپور میں شنگریلا فورم میں موجود ہیں۔جنرل ساحر شمشاد مرزا نے کہا کہ یہ مسائل صرف میز پر بیٹھ کر بات چیت اور مشاورت سے حل ہو سکتے ہیں، یہ میدان جنگ میں حل نہیں ہو سکتے۔

بھارت کے ساتھ مستقبل میں کشیدگی کا خطرہ بڑھ گیا، جنرل ساحر شمشاد

پاکستان اور بھارت 22 اپریل سے پہلے کی صورتحال پر واپس آ رہے ہیں، انٹرویو

ریاض(این این آئی) سعودی عرب نے 14 ممالک کے شہریوں کیلئے بلاک ورک ویزہ کوٹہ کا اجرا جون 2025 تک کیلئے معطل کر دیا ۔میڈیارپورٹ کے مطابق متاثرہ ممالک میں پاکستان، بھارت، مصر، بنگلہ دیش، انڈونیشیا، عراق، نائیجیریا سمیت دیگر شامل ہیں۔یہ فیصلہ حج سیزن سے قبل امیگریشن کنٹرول، رش کی روک تھام اور غیر قانونی حج کو روکنے کے مقصد سے کیا گیا ہے۔سعودی وزارت افرادی قوت کے مطابق جن ممالک کیلئے بلاک ورک ویزے بند کیے گئے ہیں، ان میں پاکستان، بھارت، بنگلہ دیش، مصر، انڈونیشیا، عراق، نائیجیریا، اردن، الجزائر، سوڈان، ایتھوپیا، تیونس، یمن، مراکش شامل ہیں۔بلاک ورک ویزا ایک ایسا کوٹہ ہوتا ہے جو سعودی کمپنیاں پہلے سے منظور کروا کر مخصوص ممالک سے ورکرز منگوا سکتی ہیں۔ اس پابندی کے بعد نئی درخواستیں قبول نہیں کی جائیں گی۔ پرانی درخواستوں میں تاخیر یا رد ہو سکتا ہے۔ جن افراد کو ویزا ملا لیکن سعودی عرب داخل نہیں ہوئے، وہ داخلے میں دقت کا سامنا کر سکتے ہیں۔اس کے ساتھ ہی سعودی عرب نے عمرہ، فیملی وزٹ، بزنس، اور ٹورسٹ ویزے بھی کئی ممالک کے لیے عارضی طور پر روک دیے ہیں۔یہ پابندیاں جون 2025 کے اختتام تک جاری رہیں گی، اور امکان ہے کہ حج سیزن کے بعد نرمی کی جائے۔

سعودی عرب نے پاکستان سمیت 14 ملکوں کیلئے تمام ویزے عارضی بند کر دئیے

متاثرہ ممالک میں پاکستان، بھارت، مصر، بنگلہ دیش، انڈونیشیا، عراق، نائیجیریا سمیت دیگر شامل

پاکستان کے عالمی شہرت یافتہ جیولن تھرو چیمپئن اور اولمپک گولڈ میڈلسٹ ارشد ندیم نے ایک بار پھر اپنی صلاحیتوں کا لوہا منوا لیا ہے۔ انہوں نے ایشین ایتھلیٹکس چیمپئن شپ 2025 کے فائنل راؤنڈ کے لیے باآسانی کوالیفائی کرلیا۔تفصیلات کے مطابق اولمپک چمپئن جیولن تھرور ارشد ندیم اوریاسر سلطان نے ایشین ایتھلیٹکس چیمپئن شپ کے فائنل کیلئے کوالیفائی کرلیا۔ جنوبی کوریا میں ایشین ایتھلیٹکس کے جیولن تھرو کوالیفائنگ راؤنڈ کے گروپ اے میں ارشد ندیم نے پہلی باری میں 86.34 میٹر کی تھرو کی۔دوسری جانب بھارتی کھلاڑی یش نے پہلی باری میں 76.67 میٹر کی تھرو کی۔کوالیفائنگ راؤ نڈ کی پہلی باری میں ارشد ندیم نے 86.34 کی سب سے لمبی تھر وکی جس کے ساتھ انہوں نے ایشین ایتھلیٹکس چیمپئن شپ کے فائنل کیلئے کوالیفائی کرلیا۔ارشد ندیم کے بعد پاکستان کے یاسر سلطان نے بھی فائنل میں جگہ بنالی۔یاسر سلطان نے پہلی ہی باری میں 76.07 میٹر کی تھرو کر کے ایشین ایتھلیٹکس چیمپئن شپ کے فائنل کیلئے کوالیفائی کیا۔ ایشین ایتھلیٹکس چیمپئن شپ میں جیولن تھرو کا فائنل کل بروزہفتہ کو کھیلا جائے گا۔واضح رہے کہ گزشتہ سال اگست میں ارشد ندیم نے ایک نیا اولمپک ریکارڈ قائم کیا اور پیرس میں مردوں کے جیولن فائنل میں 92.97 میٹر تھرو کے ساتھ گولڈ میڈل جیتا تھا۔

ایشین ایتھلیٹکس چیمپئن شپ،ارشد ندیم نے فائنل کیلئے کوالیفائی کرلیا،فائنل کل ہوگا

کوالیفائنگ راؤنڈ کے گروپ اے میں ارشد ندیم نے پہلی ہی باری میں 86.34 میٹر کی تھرو کرکے فائنل میں جگہ بنائی

صدر مملکت آصف علی زرداری نے کم عمر بچوں کی شادی کے خلاف بل پر دستخط کر دیے، جس کے بعد 18 سال سے کم عمر بچوں کے نکاح کا اندراج قانونی جرم قرار پا گیا ہے۔ تفصیلات کے مطابق صدر مملکت آصف عی زرداری نے 18 برس سے کم عمری کی شادی کی ممانعت کے بل پر دستخط کر دیئے جس کے بعد بل قانون بن گیا۔اس قانون کی منظوری کے ساتھ ہی نکاح خواں اور نکاح رجسٹرار پر لازم ہوگا کہ وہ کسی بھی نکاح کی رجسٹریشن سے قبل فریقین کے کمپیوٹرائزڈ قومی شناختی کارڈز کی موجودگی کو یقینی بنائیں۔ 18 سال سے کم عمر بچوں کا نکاح رجسٹر کرنے یا پڑھانے پر ایک سال قید، ایک لاکھ روپے جرمانہ یا دونوں سزائیں دی جا سکیں گی۔نئے قانون میں کہا گیا کہ 18 سال سے بڑی عمر کے مرد کو کم عمر لڑکی سے شادی پر 3 سال تک قید بامشقت ہو گی، کم عمری کی شادی کا علم ہونے پر اسے روکنے کا حکم دے گی، بچے کی تعریف 18 سال سے کم عمر لڑکا یا لڑکی ہے۔ نکاح خواں یقینی بنائے گا کہ دونوں فریقین کے پاس نادرا کا شناختی کارڈ موجود ہے، خلاف ورزی کرنے پر نکاح خواں کو ایک سال تک قید اور ایک لاکھ روپے جرمانہ ہوسکتا ہے۔ 18 سال سے قبل ساتھ رہنے کو بچے سے زیادتی تصور کیا جائے گا، کم عمر دلہن یا دلہےکو شادی پر مجبور کرنے والے کو سات سال تک قید اور 10 لاکھ روپے تک جرمانہ ہوگا۔ بچے کی شادی کے لئے ٹریفکنگ پر سات سال تک قید اور جرمانہ ہوگا۔ کم عمر بچے کی شادی میں معاونت پر تین سال تک قید اور جرمانہ ہوگا۔قانون کے مطابق عدالت کو علم ہو کہ کم عمر بچوں کی شادی کی جارہی ہے تو وہ ایسی شادی کو روکنے کےلیے حکم جاری کرے گی۔بچوں کی شادی کی ممانعت کا بل قومی اسمبلی میں شرمیلا فاروقی نے پیش کیا تھا جبکہ سینیٹ میں یہ بل شیری رحمان نے پیش کیا تھا۔اس قانون میں یہ بھی ذکر ہے کہ عدالت کو اطلاع دینے والا فریق اپنی شناخت چھپانا چاہے تو عدالت اسے تحفظ دے گی۔

اٹھارہ سال سے کم عمر افراد کا نکاح ممنوع قرار دیا گیا ،صدرمملکت نے دستخط کردیئے

اٹھارہ سال سے کم عمر بچوں کا نکاح پڑھانے پر ایک سال قید، ایک لاکھ روپے جرمانہ یا دونوں سزائیں دی جا سکیں گی

غزہ جنگ بندی میں اہم پیش رفت، مغویوں کی مکمل واپسی کیلئے اسرائیل نے نئی امریکی تجویز پر دستخط کر دیئے، جس کے بعد نئی تجویز فلسطینی مزاحمتی گروپ حماس گروپ کو بھیجی گئی جبکہ حماس کی جانب سے تاحال کوئی جواب موصول نہیں ہوا، اس حوالے سے بات چیت کا سلسلہ جاری ہے۔ترجمان وائٹ ہاؤس کیرولائن لیویٹ نے پریس بریفنگ کے دوران بتایا کہ جنگ بندی پر مزید بات چیت جاری ہے، حماس کی جانب سے ابھی تجویز پر جواب موصول نہیں ہوا۔کیرولائن لیویٹ کا مزید کہنا تھاکہ صدر ڈونلڈ ٹرمپ پرامید ہیں کہ روس، یوکرین اگلے ہفتے امن مذاکرات کیلئے ملاقات کریں گے۔انہوں نے پریس بریفنگ میں کہا کہ جنگ بندی کے حوالے سے امریکا کے مشرق وسطیٰ میں خصوصی مندوب اسٹیو وٹکوف کی نئی تجویز پر اسرائیل نے دستخط کر دیے ہیں جبکہ حماس کی جانب سے تجویز پر کوئی جواب ابھی موصول نہیں ہوا ہے۔ترجمان نے کہا کہ حماس کے ساتھ مذاکرات کا سلسلہ جاری ہے اور ہمیں امید ہے کہ غزہ میں جنگ بندی ہو جائے گی تاکہ تمام مغویوں کو واپس لایا جا سکے۔قبل ازیں حماس نے کہا تھا کہ وہ صدر ٹرمپ کے مشرقِ وسطیٰ کے ایلچی اسٹیو وٹکوف کی جانب سے پیش کردہ نئے معاہدے پر غور کر رہی ہے۔عرب میڈیا کے مطابق مجوزہ معاہدے میں 10 اسرائیلی یرغمالیوں کی رہائی کے بدلے 60 روزہ جنگ بندی شامل ہے، معاہدے میں دو مراحل میں فلسطینی قیدیوں کی رہائی بھی شامل ہے۔معاہدے کے تحت 5 یرغمالی جنگ بندی کے پہلے روز اور 5 جنگ بندی کے 60 ویں روز رہا ہوں گے جبکہ امریکی صدر ٹرمپ جنگ بندی معاہدے اور غزہ سے اسرائیلی فوج کے انخلا کی ضمانت دیں گے۔مجوزہ معاہدے میں جنگ بندی کے پہلے روز سے غیر مشروط انسانی امداد کی فراہمی بھی شامل ہے۔خیال رہے کہ اسرائیل نے 18 مارچ کو غزہ جنگ بندی کی خلاف ورزی کرتے ہوئے غزہ میں دوبارہ بمباری شروع کردی تھی۔

اسرائیل نے غزہ جنگ بندی کی نئی تجویز پر دستخط کر دیے، امریکا

امریکی صدر کے خصوصی نمائندے اسٹیو وٹکوف نے تجاویز حماس کو بھجوا دی ہیں، ترجمان وائٹ ہاؤس

وزیراعظم شہباز شریف نے کہا ہے کہ پاکستان اپنے حصے کے پانی پر کوئی سمجھوتہ نہیں کرے گا، بھارت کا سندھ طاس معاہدے کو معطل کرنے کا فیصلہ قابل مذمت ہے، کروڑوں انسانوں کی زندگیوں کو تنگ نظر سیاسی مقاصد کے لیے یرغمال نہیں بنایا جاسکتا، پاکستان ایسا کبھی نہیں ہونے دےگا، بھارت کو سرخ لکیر نہیں عبور کرنے دیں گے۔تاجکستان کے دارالحکومت دوشنبے میں گلیشیئرز کے تحفظ سے متعلق کانفرنس سے خطاب کرتے ہوئے وزیراعظم نے کہا کہ پاکستان میں موجود 13 ہزار گلیشیئرز تیزی سے پگھل رہے ہیں، جو نہ صرف ملکی آبی تحفظ بلکہ عالمی ماحولیاتی نظام کے لیے بھی خطرہ ہیں۔وزیراعظم نے کہا کہ پاکستان کا قریباً نصف آبی ذخیرہ گلیشیئرز سے حاصل ہوتا ہے، لیکن موسمیاتی تبدیلی کے تباہ کن اثرات ان قیمتی قدرتی ذخائر کو شدید نقصان پہنچا رہے ہیں۔ ان کا کہنا تھا کہ پاکستان نہ صرف اس وقت موسمیاتی تبدیلی سے متاثرہ 10 بدترین ممالک میں شامل ہے بلکہ 2022 کے تباہ کن سیلاب کی صورت میں اس کا خمیازہ بھی بھگت چکا ہے۔شہباز شریف نے کہا کہ پاکستان کاربن کے عالمی اخراج میں صرف 0.5 فیصد سے بھی کم حصہ دار ہے، لیکن موسمیاتی تبدیلی کے نتائج کا سب سے بڑا بوجھ اسی پر پڑ رہا ہے۔ انہوں نے عالمی برادری، خاص طور پر ترقی یافتہ ممالک سے مطالبہ کیا کہ وہ ماحولیاتی چیلنج سے نمٹنے کے لیے اپنی اخلاقی اور مالی ذمہ داریاں پوری کریں۔وزیراعظم نے عالمی رہنماؤں کو باور کرایا کہ پاکستان ماحولیاتی تبدیلی کے مسئلے کو سنجیدگی سے لیتا ہے اور اس چیلنج سے نمٹنے کے لیے ہر ممکن اقدامات کر رہا ہے۔ ماحولیاتی تحفظ صرف ترقی پذیر ملکوں کی ذمہ داری نہیں، یہ ایک عالمی فرض ہے۔انہوں نے کہا کہ ماحولیاتی تبدیلی کے باعث ایکوسسٹم بھی متاثرہورہا ہے، پاکستان ان10 ممالک میں شامل ہے جو ماحولیاتی تبدیلی سے زیادہ متاثر ہیں۔اپنے خطاب میں وزیراعظم نے بھارت پر بھی تنقید کی اور کہا کہ سندھ طاس معاہدے کو یکطرفہ طور پر معطل کرنے کا بھارتی فیصلہ قابل مذمت ہے۔ انہوں نے دوٹوک الفاظ میں کہا کہ ’پاکستان اپنے حصے کے پانی پر کوئی سمجھوتا نہیں کرے گا۔

پاکستان اپنے حصے کے پانی پر کوئی سمجھوتہ نہیں کرے گا،وزیراعظم شہبازشریف

کروڑوں انسانوں کی زندگیوں کو تنگ نظر سیاسی مقاصد کیلئے یرغمال نہیں بنایا جاسکتا، تاجکستان میں گلیشیئرز کے تحفظ سے متعلق کانفرنس سے خطاب

پاکستان اور بنگلا دیش کے درمیان تین ٹی ٹوئنٹی بین الاقوامی میچوں کی سیریز کا دوسرا میچ آج لاہور کے قذافی اسٹیڈیم میں کھیلا جائے گا۔ میچ رات آٹھ بجے شروع ہو گا اورٹیپمیڈ براہ راست دکھایاجائے گا۔بنگلا دیش کی ٹیم لٹن داس کی قیادت میں میدان میں اترے گی ، آل رائونڈر مہدی حسن نائب کپتان ہوں گےجبکہ دیگر اہم کھلاڑیوں میں نجم الحسن شانٹو،پرویز حسین،راشد حسین،سومیا سرکار،شمیم حسین،حسن محمود ،شرفل الاسلام اورتنویر اسلام شامل ہیں۔پاکستان کی ٹیم کو سلمان علی آغا لیڈ کریں گے جبکہ دیگر اہم کھلاڑیوں میں فخر زمان،صائم ایوب،حسن نواز،عرفان خان،محمد حارث،فہیم اشرف،خوشدل شاہ،حسین طلعت،شاداب خان،ابرا احمد،حسن علی ، محمد وسیم ، نسیم شاہ اور حارث رئوف شامل ہیں۔واضح رہے پہلے ٹی 20 میں پاکستان نے بنگلادیش کو 37 رنز سے شکست دی تھی کرکٹ شائقین کو آج کے میچ سے بھی ایک سنسنی خیز اوردلچسپ مقابلے کی توقع ہے، پاکستان کو 3 میچز کی سیریز میں ایک صفر کی برتری حاصل ہے۔

پاکستان اور بنگلا دیش کے درمیان ٹی20سیریز کا دوسرامیچ آج کھیلا جائے گا

میچ رات8بجے شروع ہوگا،پاکستان کوٹی ٹوئنٹی سیریز میں ایک صفر کی برتری حاصل ہے

خیبرپختونخوا میں بھارت کی پراکسی تنظیم فتنۃ الخوارج سے سیکیورٹی فورسز کی دو جھڑپوں میں 7 دہشت گرد ہلاک ہوگئے جبکہ کارروائی کے دوران فائرنگ کے تبادلے کے نتیجے میں پاک فوج کے لیفٹیننٹ سمیت 4 اہلکار بہادری سے لڑتے ہوئےشہید ہوگئے۔پاک فوج کے شعبہ تعلقات عامہ (آئی ایس پی آر) سے جاری بیان میں کہا گیا کہ 28 مئی کو خیبرپختونخوا میں ہونے والی دو الگ الگ جھڑپوں میں بھارت کی پراکسی تنظیم فتنۃ الخوارج کے 7 دہشت گردوں کو جہنم واصل کیا گیا۔آئی ایس پی آر کے مطابق 28 اور 29 مئی کی درمیانی رات کو شمالی وزیرستان کے علاقے شوال میں بھارتی سرپرستی میں موجود خوارج نے ایک سیکیورٹی فورسز کی چیک پوسٹ پر حملے کی کوشش کی۔بیان میں کہا گیا کہ فتنۃ الخوارج کے حملوں کو پاک فوج کے جوانوں نے بروقت اور مؤثر انداز میں ناکام بنا دیا، شدید فائرنگ کے تبادلے میں 6 خوارج ہلاک ہوئے۔آئی ایس پی آر کے مطابق دہشت گردوں سے فائرنگ کے تبادلے کے دوران جام شہادت نوش کرنے والوں میں 24 سالہ لیفٹیننٹ دانیال اسماعیل کا تعلق ضلع مردان سے تھا ، نائب صوبیدار کاشف رضا، لانس نائیک فیاقت علی اور سپاہی محمد حمید نے بھی وطن پر اپنی جان قربان کی۔ترجمان پاک نے بتایا کہ جام شہادت نوش کرنے والوں میں 24 سالہ لیفٹیننٹ دانیال اسماعیل کا تعلق ضلع مردان سے تھا ، نائب صوبیدار کاشف رضا، لانس نائیک فیاقت علی اور سپاہی محمد حمید نے بھی وطن پر اپنی جان قربان کی۔آئی ایس پی آر کے مطابق ضلع چترال میں ہونے والی ایک اور جھڑپ میں بھی بھارتی سرپرستی میں موجود ایک خوارجی دہشت گرد کو جہنم واصل کیا گیا۔ترجمان پاک فوج کا کہنا تھا کہ علاقے میں پائے جانے والے کسی بھی دوسرے خوارج کو ختم کرنے کے لئے سینی ٹائزیشن آپریشن کیا جارہا ہے، سکیورٹی فورسز ملک سے دہشت گردی کی لعنت کو ختم کرنے کے لئے پرعزم ہیں، ہمارے بہادر سپاہیوں کی قربانیاں ہمارے اس عزم کو مزید مضبوط کرتی ہیں۔ دوسری جانب صدر مملکت آصف علی زرداری نے خيبرپختونخوا میں کامیاب کاروائیوں پر سیکیورٹی فورسز کو خراج تحسین پیش کیا ہے۔صدر مملکت نے 7 خوارج جہنم واصل کرنے پر سیکیورٹی فورسز کی بہادری کو سراہا اور جامِ شہادت نوش کرنے والے 4 بہادرجوانوں کو خراج عقیدت پیش کیا۔آصف زرداری نے لیفٹیننٹ دانیال اسماعیل اور جوانوں کے جذبہ حب الوطنی اور بہادری کو سراہا اور وطن کے لیے جان کا نذرانہ پیش کرنے پر قوم کے بہادرسپوتوں کو خراج عقیدت پیش کیا۔وزیرداخلہ محسن نقوی نے خیبرپختونخوا میں شہید لیفٹیننٹ دانیال سمیت 4 جوانوں کی جرآت کو خراج تحسین پیش کیا ہے۔محسن نقوی نے مزید کہا کہ شہدا نے فتنہ الہندوستان کے دہشت گردوں کو عبرتناک انجام تک پہنچایا، لیفٹیننٹ دانیال سمیت چاروں شہدا کی عظیم قربانی کو قوم ہمیشہ یاد رکھے گی، لیفٹیننٹ دانیال اور دیگر شہداء کی عظیم قربانی رائیگاں نہیں جائے گی۔

خیبر پختونخوا میںسکیورٹی فورسز کی کارروائیوں میں 7 دہشت گردہلاک، 4 جوان شہید

سیکیورٹی فورسز ملک سے بھارتی اسپانسرڈ دہشت گردی کی لعنت کو ختم کرنے کیلئے پرعزم ہیں، آئی ایس پی آر

اسلام آباد (این این آئی)اسلام آباد ہائیکورٹ نے 190ملین پائونڈ کیس 5 جون کو سماعت کیلئے مقرر کر دیا۔جاری کاز لسٹ کے مطابق قائم مقام چیف جسٹس سرفراز ڈوگر اور جسٹس محمد آصف سماعت کریں گے، گزشتہ ہفتے پی ٹی آئی لیڈرشپ نے کیس مقرر کرنے کی استدعا کی تھی۔ واضح رہے کہ 17جنوری 2025کو راولپنڈی کی اڈیالہ جیل میں قائم احتساب عدالت نے 190ملین پائونڈ کے ریفرنس میں عمران خان کو مجرم قرار دیتے ہوئے 14سال قید اور ان کی اہلیہ مجرمہ بشری بی بی کو 7سال قید کی سزا سنائی تھی۔عمران خان پر 10لاکھ اور بشری بی بی پر 5لاکھ روپے جرمانہ بھی عائد کیا گیا تھا، جرمانے کی عدم ادائیگی پر عمران خان کو مزید 6ماہ جب کہ بشری بی بی کو 3ماہ کی قید کی سزا بھگتنا ہوگی۔

۔۔ 190ملین پائونڈ کیس، عمران خان، بشری بی بی کی سزا معطلی کی درخواستیں سماعت کیلئے مقرر

اسلام آباد ہائی کورٹ کےجسٹس سرفراز ڈوگر اور جسٹس محمد آصف سزا معطلی کی درخواستوں پر 5 جون سماعت کریں گے

فیلڈ مارشل سید عاصم منیرنے اساتذہ کو قوم کا سب سے قیمتی سرمایہ قرار دیتے ہوئے کہا ہے کہ آج جو کچھ ہو والدین، اساتذہ کی بدولت ہوں، کشمیر پاکستان کی شہ رگ ہے ،پانی ریڈ لائن ہے کوئی سمجھوتہ نہیں ہوگا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق یہ بات فیلڈ مارشل سید عاصم منیر، نشانِ امتیاز (ملٹری) نے مختلف جامعات کے وائس چانسلرز، پرنسپلز اور سینئر اساتذہ کرام سے بات چیت کرتے ہوئے کہی۔ترجمان پاک فوج کے مطابق فیلڈ مارشل نے کہا کہ اساتذہ کرام پاکستان کا سب سے بڑا سرمایہ ہیں، میں آج جو کچھ بھی ہوں، اپنے والدین اور اساتذہ کرام کی وجہ سے ہوں۔فیلڈ مارشل سید عاصم منیر نے کہا کہ پاکستان کی اگلی نسلوں کی کردار سازی اساتذہ کرام کی ذمہ داری ہے، آپ(اساتذہ) کو پاکستان کی کہانی اپنی اگلی نسلوں کو بتانی ہے، معرکہ حق میں اللہ تعالیٰ نے ہر طرح سے پاکستان کی مدد کی۔سپہ سالار نے کہا کہ معرکہ حق اس بات کا ثبوت ہے کہ جب پوری قوم ایک آہنی دیوار بن جائے تو دنیا کی کوئی طاقت اُسے گرا نہیں سکتی۔آئی ایس پی آر کے مطابق سپہ سالار نے کہا کہ کشمیر کا کوئی بھی سودا ممکن نہیں، ہم کبھی بھی کشمیر کو نہیں بھول سکتے، ہندوستان جان لے کہ پاکستان کشمیر کو کبھی نہیں چھوڑے گا۔فیلڈ مارشل نے کہا کہ پانی پاکستان کی ریڈ لائن ہے اور 24 کروڑ پاکستانیوں کے اس بنیادی حق پر آنچ نہیں آنے دیں گے۔ترجمان پاک فوج کے مطابق ان کا کہنا تھا کہ پاکستان، ہندوستان کی اجارہ داری کبھی قبول نہیں کرے گا، ہندوستان نے کئی دہائیوں سے کشمیر کے مسئلے کو دبانے کی کوشش کی مگر وہ ناکام ہو چکا ہے، اب یہ ممکن نہیں رہا۔عاصم منیر کا کہنا تھا کہ دہشت گردی ہندوستان کا اندرونی مسئلہ ہے جس کی بنیادی وجہ اقلیتوں بالخصوص مسلمانوں پر بڑھتا ہوا ظلم اور تعصب پسندی ہے جب کہ کشمیر ایک عالمی سطح کا مسئلہ ہے، بلوچستان میں دہشت گرد فتنہ الہندوستان ہیں، ان کا بلوچوں سے کوئی تعلق نہیں۔فیلڈ مارشل نے کہا کہ ہمیں پاکستان کو ایسی مضبوط ریاست بنانا ہے جس میں تمام ادارے قانون کے مطابق آئین کے تحت، بغیر کسی سیاسی دباؤ، مالی اور ذاتی فائدے کے، عوام کی فلاح و بہبود کے لئے کام کریں، جو کوئی بھی ریاست کو کمزور بنانے کا بیانیہ بنانے کی کوشش کرے، اُس کی نفی کریں۔ترجمان پاک فوج کے مطابق شرکا نے اپنے تاثرات میں کہا کہ یہ جو محفوظ دھرتی ہے، اس کے پیچھے وردی ہے، ہمیں پاکستان اور اپنی مسلح افواج پر فخر ہے اور ہم ان کے شانہ بشانہ کھڑے رہیں گے۔

پانی پاکستان کی ریڈ لائن ہے، پاکستانیوں کے اس بنیادی حق پر آنچ نہیں آنے دینگے، فیلڈ مارشل

بھارت جان لے، پاکستان کشمیر کو کبھی نہیں چھوڑے گا، آرمی چیف  کی جامعات کے پرنسپلز اور سینئر اساتذہ کرام سے گفتگو

بانی پاکستان تحریک انصاف(پی ٹی آئی) عمران خان نے کہا ہے کہ ملک میں اتحاد کی خاطر کسی بھی وقت مذاکرات کیلئے تیار ہوں، وکٹ کے دونوں طرف کھیلنے کی کسی کو اجازت نہیں دوں گا،احتجاجی تحریک کا اعلان ہو چکا ، جس کا اگلے 5 سے 6 دنوں میں لائحہ عمل دیں گے۔راولپنڈی میں بانی پاکستان تحریک انصاف سے ملاقات کے بعد میڈیا سے گفتگو کرتے ہوئے سینیٹر علی ظفر نے بتایا کہ بانی نے کہا ہے کہ  میں صرف اور صرف پاکستان کی خاطر گیو اینڈ ٹیک کیلئے تیار ہوں۔ ملک میں اتحاد کی خاطر کسی بھی وقت مذاکرات کے لیے تیار ہوں۔ ان کا کہنا تھا کہ بانی نے واضح کیا ہے کہ میں صرف انصاف چاہتا ہوں، میرے کیسز جلد سے جلد سنے جائیں۔عمران خان نے کہا کہ پاکستان میں اتحاد کی خاطر کسی بھی وقت مذاکرات کے لیے تیار ہوں، بانی پی ٹی آئی نے کہا اپنے لیے رعایت نہیں مانگ رہا، ریاعت مانگنی ہوتی تو بہت پہلے مانگ چکا ہوتا۔ سینیٹر علی ظفر نے بتایا کہ بانی پی ٹی آئی نے پارٹی لیڈر شپ کو تحریک کے لیے تیار رہنے کی ہدایت کی ہے۔پارٹی لیڈرشپ تحریک کے لیے تیار ہو جائے، کوئی سامنے نہ آیا تو برداشت نہیں کروں گا،وکٹ کے دونوں جانب کھیلنے کی اجازت کسی کو نہیں،احتجاجی تحریک کا اعلان ہو چکا، 5،6 دن میں لائحہ عمل دیں گے۔

میرے دروازے اسٹیبلشمنٹ سے بات چیت کیلئے کھلے ہیں، عمران خان

پارٹی تحریک کیلئے تیار ہوجائے، کوئی سامنے نہ آیا تو برداشت نہیں کرونگا، وکٹ کے دونوں جانب کھیلنے کی اجازت نہیں دوںگا

نیویارک(این این آئی)اقوام متحدہ کی سلامتی کونس کے اجلاس میں فلسطینی مندوب اسرائیل کے وحشیانہ حملے ، امداد کی بندش سے ہزاروں بچوں کی شہادت اور ان کی ماں کے غم کا بتا تے بتاتے رو پڑے۔غیرملکی خبررساں ادارے کے مطابق اقوام متحدہ میں فلسطین کے مستقل مندوب ریاض منصور سلامتی کونسل کے اجلاس کے دوران غزہ میں بگڑتی ہوئی انسانی صورتِ حال بیان کرتے ہوئے آبدیدہ ہو گئے۔فلسطین کے مستقل مندوب ریاض منصور نے شدید جذبات کے عالم میں غزہ کے خاندانوں کی المناک حقیقت بیان کی ۔انہوں نے کہا کہ درجنوں بچے بھوک سے مر رہے ہیں، مائیں ان کے بے جان جسموں کو گود میں اٹھاتی ہیں، ان کے بال سہلاتی ہیں، ان سے بات کرتی ہیں، ان سے معذرت کرتی ہیں ،بھلا کوئی انسان یہ دکھ کیسے برداشت سکتا ہے؟اپنے ذاتی جذبات کا اظہار کرتے ہوئے انہوں نے مزید کہا کہ میرے بھی نواسے، پوتے ہیں، میں جانتا ہوں کہ وہ اپنے خاندانوں کے لیے کیا معنی رکھتے ہیں۔فلسطینی مندوب نے کہا کہ آگ اور بھوک فلسطینی بچوں کو نگل رہی ہے، دنیا کا خاموشی کے ساتھ فلسطینیوں کو یوں تڑپتا دیکھنا یہ کسی مہذب انسان کے لیے ناقابل برداشت ہے۔ریاض منصور کی یہ جذباتی تقریر سوشل میڈیا پر بھی وائرل ہو رہی ہے، جس نے کئی عالمی رہنماں کو فلسطین کی صورتحال پر سنجیدگی سے غور کرنے پر مجبور کر دیا ہے۔

غزہ میں بچوں کا قتل عام پر اقوام متحدہ میں فلسطینی مستقل مندوب اشک بار ہوگئے

ریاض منصور غزہ میں بگڑتی ہوئی انسانی صورتِ حال بیان کرتے ہوئے آبدیدہ ہو گئے

ٹیپمیڈ اپنےناظرین کیلئے بڑی خوشخبری لے کرآیا ہے!ڈرامہ، ایکشن اور سنسنی سے بھرپور’’شمشیر‘‘ کا شاندار ٹریلر جاری کردیا گیا،جس نے آتے ہی سوشل میڈیا پر دھوم مچا دی ہے۔تفصیلات کے مطابق پاکستان کے ڈرامائی افق پرایک نیاطوفان برپا ہونے جارہاہے۔شمشیر کا آفیشل ٹریلر منظرعام پرآچکا ہے،جو ایکشن، جذبات اور سنسنی سے بھرپور مناظر سے سجا ہوا ہے۔’ شمشیر‘‘ ایک ایسے ڈرامے کی نوید ہے جو پاکستان کے ڈرامائی منظرنامے پر ایک نیا طوفان برپا کرنے جا رہا ہے۔ اس کی کہانی طاقت، انتقام اور انصاف کی کشمکش کے گرد گھومتی ہے، جسے پیش کیا گیا ہے بھرپور جذبات، سنسنی خیز مناظر اور دل کو چھو لینے والے مکالموں کے ساتھ۔اس ڈرامے میں مرکزی کردار نبھا رہے ہیں،فرحان سعید،حریم فاروق ،خالدانعم اور بہروزسبزواری جن کی جاندار اداکاری اور باکمال مکالمے پہلے ہی سوشل میڈیا پر موضوعِ بحث بن چکے ہیں۔’’شمشیر‘‘ کو نینا کاشف اور ٹپمیڈ نے پروڈیوس کیا ہے، جو ماضی میں ‘ہم سفر‘ اور ‘باغی‘ جیسے معیاری ڈرامے پیش کر چکے ہیں۔ نینا کاشف ایک بار پھر ایک گہرے اور مؤثر بیانیے کے ساتھ ناظرین کو متاثر کرنے کے لیے تیار ہیں۔ ڈرامہ کوشاہدڈوگرنے تحریرکیاہے ۔ڈرامہ کے ایگزیکٹو پروڈیوسر کی ذمہ داریاں یاسرپاشا نے نبھائی ہیں جبکہ پروجیکٹ ہیڈاورایسوسی ایٹ پروڈیوسر احسن رضافردوسی ہیں۔ ڈرامے کی ہدایت کاری شہرزاد شیخ نے کی ہے، جنہیں ‘دلِ مومن‘،‘یحییٰ‘ اور ‘مقدر‘ جیسے کامیاب منصوبوں کی ڈائریکشن دینے کا تجربہ حاصل ہے۔ ان کی ہدایت کاری کہانی کو نہ صرف جذباتی گہرائی بلکہ بصری خوبصورتی سے بھی ہم آہنگ کرتی ہے، جس سے ‘شمشیر‘ ایک یادگار ڈرامہ بننے کی بھرپور صلاحیت رکھتا ہے۔’’شمشیر‘‘ کی کہانی طاقت، انتقام اور انصاف کی کشمکش کے گرد گھومتی ہے، جو ناظرین کو اپنی گرفت میں لینے کے لیے پوری طرح تیار ہے،یہ سنسنی خیز سیریز 13 جون سے صرف ٹیپمیڈپر اسٹریمنگ کے لیے دستیاب ہوگی۔یہ ایک ایسی کہانی ہے جو ناظرین کو اپنی گرفت میں لینے کے لیے پوری طرح تیار ہے۔

ڈرامہ، ایکشن اور سنسنی سے بھرپور’’شمشیر‘‘ کا شاندار ٹریلر جاری کردیا گیا

ٹیپمیڈ انٹرٹینمنٹ کی یہ سنسنی خیز سیریز 13 جون سے صرف  ٹیپمیڈپر اسٹریمنگ کے لیے دستیاب ہوگی

پاکستان کا کرپٹو انقلاب کی جانب بڑا قدم پاکستان نے پہلے سرکاری حمایت یافتہ بٹ کوائن ریزرو کا اعلان کر دیا ۔پاکستان نے عالمی سطح پر اپنی معیشت اور ٹیکنالوجی کی نئی شناخت متعارف کرا دی۔ وزیر برائے کرپٹو و بلاک چین، بلال بن ثاقب نے بٹ کوائن ویگاس 2025 کانفرنس میں ملک کی پہلی اسٹریٹیجک بٹ کوائن ریزرو کا اعلان کیا، جس کا مقصد پاکستان کو ڈیجیٹل معیشت کا قائد بنانا ہے۔تفصیلات کے مطابق وزیراعظم کے معاون خصوصی برائے بلاک چین اور کرپٹو بلال بن ثاقب نے پاکستان کے پہلے بٹ کوائن اسٹریٹجک ریزرو کا اعلان کرتے ہوئے کہا ہے کہ پاکستان اب صرف ایک ملک نہیں بلکہ ایک ڈیجیٹل تحریک ہے جس کی قیادت نوجوان کر رہے ہیں، پاکستان تیار ہے اور آگے بڑھنے کو بے تاب ہے۔بلال بن ثاقب نے خطاب میں کہا کہ پاکستان کا نوجوان، آن لائن اور آن چین ہے، اور ملک کو اب ماضی کے بجائے مستقبل کی پہچان دی جا رہی ہے۔ پاکستان ایسا ملک ہے جس کے پاس 4 کروڑ سے زائد کرپٹو والیٹس، 23 سال کی اوسط عمر، اور دنیا کی سب سے متحرک فری لانسنگ معیشت ہے۔انہوں نے اعلان کیا کہ حکومت نے قومی بٹ کوائن والیٹ قائم کیا ہے اور 2000 میگاواٹ اضافی بجلی کرپٹو مائننگ اور مصنوعی ذہانت کے ڈیٹا سینٹرز کے لیے مختص کر دی گئی ہے۔انہوں نے کرپٹو فنانس کے لیے پاکستان ڈیجیٹل اثاثہ اتھارٹی (PDAA) کے قیام کی بھی خبر دی، جبکہ سابق امریکی صدر ڈونلڈ ٹرمپ کا پاک بھارت کشیدگی میں امن کی کوششوں پر شکریہ ادا کیا۔ بلال بن ثاقب کا کہنا تھا کہ پاکستان اب تعمیر، اختراع اور ترقی کے لیے تیار ہے، دنیا آئے اور یہاں سرمایہ لگائے۔بلال بن ثاقب نے خطاب میں کہا کہ بٹ کوائن مائننگ اور اے آئی ڈیٹا سینٹرز  خود مختار مائنرز، ٹیک کمپنیوں، اور بین الاقوامی بلاک چین فرمز کے لیے دروازے کھول رہا ہے۔ تقریب میں امریکا کے نائب صدر جے ڈی وینس، ایرک ٹرمپ اور ڈونلڈ ٹرمپ جونئر بھی موجود تھے۔

ڈیجیٹل انقلاب، پاکستان نے پہلے سرکاری حمایت یافتہ بٹ کوائن ریزرو کا اعلان کر دیا

پاکستان میں 40 ملین کرپٹو والٹس موجود ہیں اور یہ دنیا کی سب سے بڑی، سب سے زیادہ فعال فری لانس معیشتوں میں سے ایک ہے

پاکستان نے کہا ہے کہ غزہ سے اٹھنے والی فریادوں کا مزید خاموشی سے جواب نہیں دیا جا سکتا،پاکستان نے اقوام متحدہ کی سلامتی کونسل سے مطالبہ کیا ہے کہ غزہ میں نسل کشی روکنے کے لیے فوری اقدامات کیے جائیں۔اقوام متحدہ کی سلامتی کونسل کا اجلاس ہوا جس سے خطاب کرتے ہوئے پاکستانی مستقل مندوب عاصم افتخار کا کہنا تھا کہ غزہ میں اسرائیل کا غیر قانونی محاصرہ قبول نہیں کرتے، غزہ میں صیہونی فورسز کا محاصرہ فوری طورپر ختم ہونا چاہئے۔عاصم افتخار کاکہناتھا کہ مسجدالاقصیٰ میں اسرائیلی وزیروں کی اشتعال انگیزی کی مذمت کرتے ہیں، غزہ میں اسرائیلی مظالم فوری طور پر بند کیے جائیں۔انہوں نےکہا کہ غزہ میں دل دہلا دینے والی اسرائیلی بربریت سامنے آئی ہے، خواتین، بچے، ڈاکٹرز خوفناک صورت حال کا سامنا کررہے ہیں۔عاصم افتخار کا کہنا تھا کہ اقوام متحدہ انڈر سیکریٹری جنرل ٹام فلیچر نے حقائق پر مبنی بریفنگ دی جس پر تنقید قابل قبول نہیں۔ان کا کہنا تھاکہ اسرائیل کی جانب سے غزہ پر بمباری کی جارہی ہے جس کے نتیجے میں اب تک 54 ہزار سے زائد فلسطینی شہید ہوچکے ہیں جن میں زیادہ تر خواتین اور بچے شامل ہیں، ایک لاکھ 22 ہزار سے زائد فلسطیی شہری زخمی ہیں۔عاصم افتخار نے کہا کہ غزہ کے شہری ایسی نفسیاتی اذیت برداشت کررہے ہیں جو کوئی سوچ بھی نہیں سکتا، ہم اس وقت غزہ میں تاریخ کی بدترین بربریت دیکھ رہے ہیں، مذمت کے الفاظ کافی نہیں اب ردعمل کا وقت ہے۔پاکستانی مندوب نے کہا کہ وقت آگیا ہے کہ فلسطینیوں کی نسل کشی ختم کی جائے، غزہ میں طبی سسٹم کو منصوبہ بندی کے تحت تباہ کردیا گیا ہے، اسپتالوں میں مریضوں کے علاج کے لیے ایندھن نہیں، 800 طبی سہولتوں کو نشان ہبنا کر تباہ کیا گیا، طبی عملے کے رکن مارے گئے، امدادی قافلوں کو روکا جاتا ہے اور ان پر حملے کیے جاتے ہیں، 57 بچے بھوک کی وجہ سے انتقال کرچکے ہیں۔انہوں نے مزید کہا کہ غزہ میں شہری آبادی کے اسٹرکچر کو تباہ کردیا گیا ہے، پانی، بجلی اور کمیونی کیشن نظام ختم کردیا گیا ہے، 80 فیصد گھر تباہ ہوگئے، فلسطینیوں کی جبری نقل مکانی کو کسی صورت قبول نہیں کریں گے۔انہوں نے کہا کہ غزہ میں فلسطینیوں کی بڑی تعداد بھوک اور افلاس کا شکار ہو رہی ہے، لاکھوں افراد امداد سے محروم ہیں، غزہ کے ہسپتالوں میں صورتحال سنگین ہو چکی ہے۔ فلسطینیوں کی جبری بے دخلی کو مسترد کرتے ہیں، فلسطینیوں کو ان کا حق دیا جائے، امداد فراہم کی جائے۔ غزہ میں فلسطینیوں کی نسل کشی کو عملی طور پر روکنا ہوگا۔

پاکستان نے سلامتی کونسل سے غزہ میں فوری نسل کشی روکنے کا مطالبہ کردیا

مسجدالاقصیٰ میں اسرائیلی وزیروں کی اشتعال انگیزی کی مذمت کرتے ہیں،پاکستانی مندوب کا سلامتی کونسل اجلاس سے خطاب

حالیہ بھارت اور پاکستان کے درمیان جھڑپ کے دوران فرانسیسی رافیل طیاروں کے مار گرائے جانے پر ترجمان فرانسیسی فوج کا ردعمل آگیا۔تفصیلات کے مطابق پاک فضائیہ کے ہاتھوں بھارتی رافیل طیاروں کی تباہی پر بالآخر فرانسیسی فوج کا ردعمل بھی آگیا اور فرانسیسی فوجی ترجمان ایک نیوز بریفنگ میں رافیل طیاروں کی تباہی کی واضح تردید نہ کرسکے۔ جب اُن سے اس واقعے سے متعلق سوال کیا گیا تو وہ گول مول جواب دے کر نکل گئے، لیکن تسلیم کیا کہ واقعے کی تفصیلات ابھی غیر یقینی ہیں اور کئی پہلو تصدیق طلب ہیں۔میڈیارپورٹس کے مطابق فرانسیسی فوج کے ترجمان نے  ایک معمول کے پریس بریفنگ کے دوران اس معاملے پر سوالات کا جواب دیا۔ انہوں نے کہا کہ اگر یہ اطلاعات درست ثابت ہوئیں تو یہ رافیل طیارے کی 20 سالہ سروس کے دوران پہلی مرتبہ کسی جنگ میں تباہی ہوگی۔فینکس ٹی وی کی رپورٹ کے مطابق، یہ فرانسیسی فوج کی جانب سے اس واقعے پر پہلا باضابطہ ردعمل ہے۔فینکس ٹی وی کی ایک ویڈیو کلپ میں فرانسیسی وزارتِ دفاع کے ترجمان نے کہا کہ اس واقعے کی تفصیلات ابھی غیر واضح ہیں اور بہت سی معلومات کی تصدیق نہیں ہو سکی۔ انہوں نے کہا کہ رافیل طیارے کی کارکردگی کے حوالے سے فرانس اس صورتحال پر قریبی نظر رکھے ہوئے ہے اور بھارت سے مسلسل رابطے میں ہے تاکہ اصل معلومات حاصل کی جا سکیں۔ترجمان نے مزید کہا کہ کچھ رپورٹس کے مطابق اس جھڑپ میں سینکڑوں فوجی طیارے شامل تھے۔ فرانس کی کوشش ہے کہ اس ہائی انٹینسٹی لڑائی سے زیادہ سے زیادہ سیکھا جا ئے۔ اگر رافیل طیارے کے گرنے کی تصدیق ہو جاتی ہے، تو یہ دو دہائیوں کی آپریشنل سروس کا پہلا واقعہ ہوگا۔خیال رہے پاکستان نے7 مئی کو بھارت کی جانب سے پاکستانی سرزمین پر جارحیت کے ردعمل میں بھارت کے 7 طیارے مار گرائے تھے جن میں 3 رافیل بھی شامل تھے۔عالمی میڈیا پاک فضائیہ کے ہاتھوں رافیل جیسے جدید طیاروں کی تباہی کو بھارت کے لیے ذلت آمیز شکست قرار دے چکا ہے۔عسکری ماہرین کے مطابق پاکستان نے پہلی بار رافیل جیسے جدید طیاروں کو گرا کر بھارت پر اپنی فضائی برتری ثابت کردی ہے۔

پاک فضائیہ کے ہاتھوں رافیل طیاروں کی تباہی پر بالآخر فرانسیسی فوج کا ردِعمل بھی سامنے آگیا

لڑائی میں سیکڑوں طیارے شریک تھے، فرانس اس تجربے سے زیادہ سے زیادہ سیکھنے کا خواہاں ہے، ترجمان فرانسیسی فوج

لاہور(این این آئی)پاکستان سپر لیگ (پی ایس ایل) کے 10ویں ایڈیشن کے فاتح کپتان شاہین شاہ آفریدی کو فتبال کی عالمی فیڈریشن (فیفا) نے عظیم فٹبالرز کی فہرست میں لاکھڑا کیا۔فیفا نے اپنے انسٹاگرام اکاؤنٹ پر پاکستان سپر لیگ (پی ایس ایل) میں اپنی فرنچائز لاہور قلندرز کو 3 بار چیمپئین بنوانے پر کپتان شاہین شاہ آفریدی کی جرسی کو عالمی شہرت یافتہ فٹبالرز کیساتھ شیئر کیا۔فیفا ورلڈکپ کے سوشل میڈیا پیج پر نمبر 10 جرسی کے حوالے سے پوسٹ کی گئی ہے جس میں لیونل میسی، نیمار جونیئر اور لوکا موڈرچ کے ساتھ شاہین آفریدی کی جرسی دکھائی گئی ہے۔اعلیٰ حکام کا کہنا ہے کہ پوسٹ شیئر کرنے کا مقصد فیفا ورلڈکپ سے قبل پاکستانی فینز کو متحرک کرنا ہے تاکہ زیادہ سے زیادہ فینز انگیجمنٹ حاصل کی جاسکے۔واضح رہے کہ لاہور قلندرز نے اتوار کے روز کوئٹہ گلیڈی ایٹرز کو سنسنی خیز مقابلے میں شکست دیکر تیسری بار ٹائٹل اپنے نام کیا تھا۔

فیفا نے شاہین شاہ آفریدی کو عظیم فٹبالرز کی فہرست میں لاکھڑا کیا

لیونل میسی، نیمار جونیئر اور لوکا موڈرچ کے ساتھ شاہین آفریدی کی جرسی دکھائی گئی، پوسٹ سوشل میڈیا پر وائرل

Watch the FA Cup Final 2024 live on tapmad - streaming. Enjoy watching Crystal Palace vs Manchester City live Official HD streaming in Pakistan

FA Cup Final 2024 Live Streaming in Pakistan | Crystal Palace vs Man City | Tapmad Official

<p>The biggest clash of the Emirates <a href="https://www.tapmad.com/sports/fa-cup-2024-25/101/1">FA Cup 2025</a> Final is here. Crystal Palace to face defending champions Manchester City on May 24, 2025. If you&#39;re looking to catch all the action live online, here&#39;s your complete streaming guide. Here&rsquo;s all you need to know about the FA Cup Final match including match details, schedule, and viewing options across all your devices.</p>

<h3>FA Cup Final Match Schedule &ndash; Crystal Palace vs Man City</h3>

<ul>
	<li><strong>Event:</strong> FA Cup 2025 Final</li>
	<li><strong>Teams: </strong>Man. City vs Crystal Palace</li>
	<li><strong>Date:</strong> Saturday, May 24, 2025</li>
	<li><strong>Kick-off Time:</strong> 8:00 PM Pakistan Standard Time (PST)</li>
	<li><strong>Venue:</strong> Wembley Stadium, London</li>
</ul>

<h2>How to Watch Crystal Palace vs Man City Live in Pakistan</h2>

<p>tapmad holds the exclusive <a href="https://www.tapmad.com/blog/tapmad-scores-big-the-ultimate-destination-for-sports-fans-with-multi-year-rights-and-diverse-content-lineup/256-2-0">digital streaming rights</a> for FA Cup 2025 broadcasting in Pakistan, making it the most reliable, safe, authentic, and legal platform to watch UEFA matches online. With tapmad, you can stream live matches directly from your phone, laptop, or smart TV.</p>

<h3>Why tapmad?</h3>

<ul>
	<li>High-Definition (HD) Streams &ndash; Crystal-clear broadcast quality</li>
	<li>Multi-Device Support &ndash; Watch on mobile, tablet, laptop, or Smart TV simultaneously.</li>
	<li>No Geo-Restrictions &ndash; Available nationwide across Pakistan.</li>
	<li>Instant Replays &amp; Highlights &ndash; Catch key moments if you miss the live action</li>
	<li>Legal streaming without VPN</li>
	<li>No long-term commitment. Just log in and start streaming.</li>
</ul>

<h3>Supported Devices:</h3>

<p>Watch on any device. tapmad allows you to watch Crystal Palace vs Man City live on:</p>

<ul>
	<li>Mobile (Android &amp; iOS)</li>
	<li>Tablets</li>
	<li>Smart TVs</li>
	<li>Laptop/Desktop via browser</li>
</ul>

<p><strong>Pro Tips for Best Viewing Experience</strong></p>

<ul>
	<li>Stable Internet Required: 4G/LTE or Wi-Fi with at least 5Mbps speed</li>
	<li>For Buffering Issues: Switch to 720p if HD lags</li>
	<li>Big Screen Option: Cast to your TV using Chromecast or Download Smart TV app</li>
</ul>

How to Watch Crystal Palace vs Man City Live in Pakistan - FA Cup Final

FA Cup Final Match Schedule – Crystal Palace vs Man City

How to Watch Crystal Palace vs Man City Live in Pakistan

Why tapmad?

Supported Devices:

Related Post

What to watch

What Is Wrong With Football In Pakistan?

Why Does Pakistan’s Cricket Team Fail

Meri Shehzadiyan