Cricket

Entertainment

Football

پاکستان نے اوپنر صائم ایوب کی شاندار سنچری کی بدولت زمبابوے کو دوسرے ون ڈے میں 10 وکٹوں سےہرا کر سیریز ایک ایک سے برابر کر دی۔تفصیلات کے مطابق تین میچز کی سیریز کے دوسرے ایک روزہ میچ میں پاکستان نے زمبابوے کو 10 وکٹوں سے شکست دے دی۔بلاوائیومیں کھیلے گئے دوسرے ون ڈے میں زمبابوے نے پاکستان کے خلاف ٹاس جیت کر پہلے بیٹنگ کرنے کا فیصلہ کیا اور پوری ٹیم 33 ویں اوور میں 145رنز پرآئوٹ ہوگئی۔زمبابوے کی جانب سے ڈیون میئرز نے 33 اور شان ولیمز نے 31 رنز اسکور کیے جبکہ پاکستان کی جانب سے ابرار احمد نے اپنے ون ڈے ڈیبیو پر 4 وکٹیں حاصل کیں۔پاکستان کی جانب سےسلمان آغا نے 3، فیصل اکرم اورصائم ایوب نے ایک، ایک وکٹ حاصل کی۔146رنزکاہدف پاکستان نے بغیر وکٹ گنوائے 19ویں اوور میں با آسانی حاصل کرلیا، صائم ایوب نےون ڈے کیریئر کی پہلی سنچری اسکور کرتے ہوئے 113 رنز بنائے  جبکہ عبداللہ شفیق 32 رنز بناکر ناقابل شکست رہے۔یاد رہے کہ دونوں ٹیموں کے درمیان تین میچوں کی سیریز 1-1 سے برابر ہوگئی ہے۔

دوسرا ون ڈے، پاکستان نے زمبابوے کو 10 وکٹوں سے شکست دیدی

پاکستان نے146رنز کاہدف بغیر کسی نقصان کے حاصل کرلیا، تین میچوں کی سیریز 1-1 سے برابر ہوگئی

پی ٹی آئی کا قافلہ ڈی چوک پہنچ گیا، فوج نے پارلیمنٹ کی سیکیورٹی سنبھال لی۔ تفصیلات کے مطابق سابق وزیراعظم عمران خان کی اہلیہ بشریٰ بی بی کی قیادت میں پی ٹی آئی کا احتجاجی قافلہ ڈی چوک پہنچ گیا۔ڈی چوک کے اطراف میں سکیورٹی انتہائی سخت کردی گئی ، زیرو پوائنٹ کے قریب مظاہرین کی جانب سے پتھراؤ کیا گیا جبکہ پولیس نے جواباً آنسو گیس کی شیلنگ کی، شاہراہ دستور پر پارلیمنٹ ہاؤس سمیت تمام اہم سرکاری عمارتوں پر فوج تعینات کر دی گئی ہے۔دوسری جانب وزیر اعلیٰ خیبر پختونخوا علی امین گنڈا پور نے مطالبات کی منظوری تک ’ڈی چوک‘ میں دھرنا دینے کا اعلان کیا ہے۔ادھربانی پی ٹی آئی عمران خان کی اہلیہ بشری بی بی کا قافلہ ’ڈی چوک‘ پہنچ گیا ہے جہاں انہوں نے کنٹینر پر آ کر کارکنوں سے خطاب کیا اور کہا کہ عمران خان کو بے گناہ جیل میں قید رکھا گیا ہے، یہاں دھرنا اس وقت تک ختم نہیں ہوگا جب تک بانی پی ٹی آئی کو رہا نہیں کیا جاتا۔بشریٰ بی بی نے اپنے خطاب میں کارکنوں سے پرامن رہنے کی اپیل کرتے ہوئے کہا کہ ہمارا مقصد یہاں پرامن احتجاج ہے، جس مقصد کے لیے ہم یہاں آئے ہیں اسے پورا کریں گے۔انہوں نے کہا کہ ’میں جیل میں عمران خان سے ملی تو ان کے پاس نیچے بچھانے کے لیے چادر تک نہیں تھی، میرے کہنے پر جیل حکام نے انہیں ایک ٹوٹی ہوئی چارپائی دی، خان کے پاس شیشہ تک نہیں ہے کہ وہ شیو کر سکیں۔بشریٰ بی بی کا کہنا تھا کہ چند سازشی عناصر ڈی چوک کے بجائے دوسرے مقام پر ہمیں روکنا چاہتے ہیں، عمران خان نے مجھے ہر صورت ڈی چوک جانے کا کہا ہے، ڈی چوک سے کم کسی بھی مذاکراتی فیصلے پر کارکنان راضی نہیں ہیں۔

پی ٹی آئی کاقافلہ بشریٰ بی بی کی قیادت میں رکاوٹیں عبور کرتا ہوا اسلام آباد ڈی چوک پہنچ گیا

وزیر اعلیٰ خیبر پختونخوا علی امین گنڈاپور کا مطالبات کی منظوری تک ڈی چوک پر دھرنا دینے کا اعلان

پی ٹی آئی کارکنان ڈی چوک پہنچ گئے۔پاک فوج کو گلے لگا لیا براہِ راست مناظر۔۔پاکستان تحریکِ انصاف ( پی ٹی آئی) کا احتجاج تیسرے روز میں داخل ہو گیا۔ وزیراعلیٰ خیبرپختونخوا گنڈا پور اور اہلیہ عمران خان بشریٰ بی بی کی قیادت میں پی ٹی آئی کا احتجاجی قافلہ ڈی چوک پہنچ گیا۔پی ٹی آئی کا احتجاجی قافلہ ڈی چوک پہنچ گیا۔مساجد سے پُرامن رہنے کے اعلانات کا سلسلہ جاری۔ تفصیلات کے مطابق مسجد سے اعلانات کئے جا رہے ہیں کہ احتجاج سب کا حق ہے، توڑ پھوڑ نہ کریں، لوگوں کو نقصان نہ پہنچائیں، پُر امن رہیں، قانون کو ہاتھ میں لینے پر کارروائی کی جائے گی،شاہراہ دستور پر پارلیمنٹ ہاؤس سمیت تمام اہم سرکاری عمارتوں پر فوج تعینات کر دی گئی ہے۔ڈی چوک کے قریب مسجد سے اعلانات کا سلسلہ جاری ہے۔احتجاج سب کا حق ہےلیکن سرکاری املاک کو نقصان پہنچانے پر آپ کے خلاف کارروائی ہوگی،توڑ پھوڑ نہ کریں،لوگوں کو نقصان نہ پہنچائیں،پرامن رہیں۔

پی ٹی آئی کارکنان ڈی چوک پہنچ گئے۔پاک فوج کو گلے لگا لیا براہِ راست مناظر

احتجاج سب کا حق ہےلیکن سرکاری املاک کو نقصان پہنچانے پر آپ کے خلاف کارروائی ہوگی،مسجدسے اعلانات

پاکستان تحریکِ انصاف (پی ٹی آئی) کا احتجاج تیسرے روز میں داخل ہو گیا۔تفصیلات کے مطابق سابق وزیراعظم عمران خان کی اہلیہ بشریٰ بی بی کی قیادت میں پی ٹی آئی کا احتجاجی قافلہ 26 نمبر چونگی سے ڈی چوک کی طرف رواں دواں ہے۔ بشریٰ بی بی کی قیادت میں پی ٹی آئی کا مرکزی قافلہ اسلام آباد کے سیکٹر جی 11 پہنچ گیا ہے۔دوسری جانب بانی پی ٹی آئی کی اہلیہ بشریٰ بی بی نے کہا ہے کہ عمران خان کے باہر آنے تک کچھ نہ مانیں، دھرنا ڈی چوک پر ہوگا۔اسلام آباد احتجاج میں شریک مظاہرین سے خطاب کرتے ہوئے بشریٰ بی بی نے کہا کہ پلان تب تک نہیں تبدیل ہوگا جب تک خان آکر ہمیں کچھ بتا نہ دیں۔ جو بھی دباؤ ہو، جب تک خان باہر عوام میں نہیں آ جاتے، خان نے کہا تھا اگر میں اندر سے کچھ بھی کہوں تم لوگوں نے نہیں ماننا، جب تک خان باہر آکر ہمیں نہ کہیں۔انہوں نے کہا کہ ہم ریڈ زون نہیں جائیں گے، ہم ڈی چوک پر دھرنا دیں گے۔ جب ڈی چوک پر پہنچیں گے تو تب خان کا اگلا لائحہ عمل بتائیں گے۔  انہوں نے کارکنوں سے کہا کہ آپ پرامن طریقے سے جائیں، انتظامیہ بھی پرامن رہے ہمارے بچوں، بڑوں اور بھائیوں کو کچھ نہ کہیں، امید ہے سب ان کا خیال کریں۔

بشریٰ بی بی کی قیادت میں پی ٹی آئی کا قافلہ ڈی چوک کی جانب گامزن

جب تک عمران خان باہر آکر لائحہ عمل نہیں دیتے ہم یہیں ہیں، بشریٰ بی بی کی کارکنوں کو ہدایت

امریکا نے حکومت پاکستان اور پاکستان تحریک انصاف (پی ٹی آئی ) سے اپیل کی ہے کہ وہ جیل میں قید سابق وزیر اعظم عمران خان کی رہائی کے مطالبے کے لیے دارالحکومت کی جانب بڑھنے والے احتجاجی مارچ میں تحمل کا مظاہرہ کرتے ہوئے آئین و قانون کی پاسداری کو یقینی بنائیں۔میتھیو ملر نے کہا کہ ہم پاکستانی حکام سے بھی مطالبہ کرتے ہیں کہ وہ انسانی حقوق اور بنیادی آزادیوں کا احترام کریں اور پاکستان کے قوانین اور آئین کے احترام کو یقینی بنائیں۔ترجمان امریکی محکمہ خارجہ میتھیو ملر نے پریس بریفنگ میں کہا کہ مظاہرین سے مطالبہ کرتے ہیں وہ پر امن مظاہرہ کریں، تشدد نہ کریں، پاکستانی حکام سے انسانی حقوق کے احترام کا مطالبہ کرتے ہیں، پاکستان کے قوانین امن و امان کو برقرار رکھنے کیلئے کام کرتے ہیں۔ترجمان کا مزید کہنا تھا کہ مظاہروں کے دوران امن و امان بحال رہنا چاہیے۔ امریکا پاکستان سمیت دنیا بھر میں آزادی اظہار رائے اور پرامن احتجاج کا حامی ہے۔ پاکستانی حکام سے اپیل ہے کہ بنیادی آزادی اور انسانی حقوق کا احترام کریں۔میتھیو ملر نے مزیدکہا کہ لبنان اسرائیل جنگ بندی معاہدے کے قریب ہیں، گزشتہ ہفتے جنگ بندی معاہدے پر بڑی پیش رفت ہوئی، تاہم ابھی معاہدہ فائنل نہیں ہوا۔

پاکستانی حکام سے اپیل ہے انسانی حقوق اور بنیادی آزادی کا احترام کریں،امریکا

مظاہرین تشدد سے گریز اور پرامن احتجاج کریں ، ترجمان امریکی محکمہ خارجہ میتھیو ملر

تحریک انصاف کے احتجاج کے دوران انتشار سے نمٹنے کیلئے وفاقی دارالحکومت اسلام آبادمیں فوج طلب کرلی گئی،شرپسندوں کو دیکھتے ہی گولی مارنے کا حکم دیدیا گیا۔ میڈیارپورٹس کے مطابق اسلام آباد میں فوج طلب کرلی گئی، وزارت داخلہ نے نوٹیفکیشن جاری کردیا۔وزارت داخلہ کے نوٹیفکیشن کے مطابق شرپسندوں کو دیکھتے ہی گولی مارنے کے احکامات دیے گئے ہیں۔نجی ٹی وی کی رپورٹ کے مطابق آرٹیکل 245 کے تحت پاک فوج کو بھی بلا لیا گیا ہے اور واضح کیا گیا ہے کہ قانون توڑنے والوں سے آہنی ہاتھوں سے نمٹا جائے گا۔نوٹیفکیشن کے مطابق آرمی کو کسی بھی علاقے میں امن امان کی صورتحال برقرار رکھنے کیلئے کرفیو لگانے کے اختیارات بھی تفویض کیے گئے ہیں۔خیال رہے کہ اسلام آباد میں پی ٹی آئی کے احتجاجی مظاہرے کے دوران سری نگر ہائی وے پر نامعلوم شرپسندوں نے رینجرز اہلکاروں پر گاڑی چڑھا دی تھی جس سے 4 رینجرز اہلکار شہید جبکہ 5 رینجرز اور 2 پولیس کے جوان بھی شدید زخمی ہو گئے۔

اسلام آباد میں فوج طلب، شرپسندوں کودیکھتے ہی موقع پر گولی مارنے کا حکم

پی ٹی آئی کے احتجاج کے دوران سری نگر ہائی وے پرنامعلوم شرپسندوں نے رینجرز اہلکاروں پر گاڑی چڑھا دی تھی

پاکستان اور زمبابوے کے درمیان دوسرا ون ڈے انٹرنیشنل آج بلاوائیو میں کھیلاجائے گا۔میچ پاکستانی وقت کے مطابق دوپہرساڑھے12بجے شروع ہوگا،زمبابوے کوسیریز میں ایک صفر کی برتری حاصل ہے۔زمبابوے کے خلاف دوسرے ون ڈے میچ کے لیے پاکستانی کی پلیئنگ الیون کا اعلان کردیا گیا۔قومی ٹیم میں دو کھلاڑی ڈیبیو کریں گے، حسیب اللہ کی جگہ طیب طاہر اور محمد حسنین کی جگہ ابرار احمد کو ٹیم میں شامل کیا گیا ہے۔ابرار احمد اور طیب طاہر پہلی مرتبہ پاکستان کی جانب سے ون ڈے انٹرنیشنل کھیلیں گے۔زمبابوے کے خلاف دوسرے ون ڈے کے لیے پاکستان ٹیم میں صائم ایوب، عبداللہ شفیق اوپنر ہیں۔ مڈل آرڈر میں کامران غلام، محمد رضوان، سلمان آغا اور طیب طاہر شامل ہیں۔آل راؤنڈر عرفان نیازی بھی ٹیم کا حصہ ہیں، فاسٹ بولر عامر جمال، حارث رؤف اور فیصل اکرم بھی پلیئنگ الیون کا حصہ ہیں جبکہ اسپنرز میں ابرار احمد ڈیبیو کریں گے۔واضح رہے کہ بارش سے متاثرہ پہلےمیچ میں زمبابوے نے ڈک ورتھ لوئیس میتھڈ کے تحت 80 رنز سے کامیابی حاصل کرکےتین میچز کی سیریز میں ایک صفرکی برتری حاصل کی تھی۔

پاکستان اور زمبابوے کے درمیان دوسرا ون ڈے آج بلاوائیو میں کھیلاجائیگا

میچ پاکستانی وقت کے مطابق دوپہرساڑھے12بجے شروع ہوگا،زمبابوے کوسیریز میں ایک صفر کی برتری حاصل ہے

بانی پی ٹی آئی عمران خان کی کال پر پاکستان تحریک انصاف کے قافلے رکاوٹیں عبور کرتے ہوئے اسلام آباد میں داخل ہوگئے ہیں۔ میڈیارپورٹس کے مطابق پاکستان تحریک انصاف کے کارکنان چونگی 26 پر چاروں طرف سے بڑی تعداد میں نکلے اور شدید نعرے بازی کی جبکہ اس دوران اسلام آباد پولیس کے اہلکار موقع سے غائب ہوگئے ، تحریک انصاف کے کارکنان نے چونگی 26 پر قبضہ کر لیا۔میڈیارپورٹس کے مطابق حکومت کی جانب سے بے تحاشہ رکاوٹیں کھڑی کیے جانے اور سخت ترین سیکورٹی اقدامات اٹھائے جانے کے باوجود تحریک انصاف کا مارچ اسلام آباد پہنچنے میں کامیاب ہو گیا۔26 نمبر چونکی پر کارکنوں سے مختصر خطاب کرتے ہوئے بشریٰ بی بی نے کہا ہے کہ ہماری منزل ڈی چوک ہے اور صورت وہاں پر پہنچیں گے۔ اس کے علاوہ کہیں نہیں جائیں گے۔انہوں نے کارکنوں سے مخاطب ہوتے ہوئے کہاکہ آپ گاڑیوں میں بیٹھیں اور سفر کو تیز کردیں، کیونکہ ہماری منزل ڈی چوک ہے۔دوسری جانب نجی ٹی وی کے مطابق حکومت کا پی ٹی آئی کے ساتھ مذاکرات کا پہلا دور بے نتیجہ ختم ہو گیا حکومت نےپی ٹی آئی کو دھرنے کے لیے پریڈ گراؤنڈ یا پشاور موڑپر جگہ دینے کی پیش کش کی گئی جس کو پی ٹی آئی نے مسترد کردیاجس کے بعد پی ٹی آئی کا وفد ایک مرتبہ پھر اڈیالہ جیل عمران خان سے ملاقات کیلئے جا پہنچا ہے۔میڈیارپورٹس کے مطابق پی ٹی آئی کا وفد رات کو گیارہ بجے کے قریب ایک بار پھر اڈیالہ جیل پہنچا، اس تین رکنی وفد کی قیادت بیرسٹر گوہر کر رہے ہیں جبکہ اسد قیصر اور شبلی فراز بھی وفد میں شامل ہیں،وفد نے عمران خان کوحکومت سے بات چیت کے حوالے سے آگاہ کیا۔ذرائع کا کہنا تھاکہ وزیرداخلہ محسن نقوی وزیراعظم کو مذاکرات سے آگاہ کریں گے، حکومت اور تحریک انصاف کے مذاکرات کے اگلے دور بھی ہونے کا امکان ہے۔

پی ٹی آئی کا قافلہ رکاوٹیں عبور کرتے ہوئے اسلام آباد میں داخل ہونے میں کامیاب

حکومت سے مذاکرات کے بعد پی ٹی آئی وفد اڈیالہ جیل پہنچ گیا

بیلاروس کے صدر الیگزینڈر لوکاشینکو پاکستان کےئین روزہ سرکاری دورے پر اسلام آباد پہنچ گئے، وزیراعظم محمد شہباز شریف نے پی اے ایف نور خان ایئر بیس پر استقبال کیا۔وزیراعظم شہباز شریف کی دعوت پر بیلاروس کے صدر الیگزینڈر لوکاشینکو پاکستان کا دورہ کررہے ہیں، بیلاروس کے صدر 27 نومبر کو دورہ پاکستان مکمل کر کے واپس روانہ ہوں گے۔اپنے دورہ کے دوران بیلاروس کے صدر الیگزینڈر لوکاشینکو صدر آصف علی زرداری، وزیراعظم شہباز شریف سے ملاقات کریں گے۔اس موقع پر بیلاروس کے صدر کی پاکستان کی عسکری قیادت سے ملاقات کا بھی امکان ہے۔واضح رہے کہ بیلاروس کا وفد پہلے ہی اسلام آباد پہنچ گیا ہے، بیلاروس کا وزارتی وفد وزیر خارجہ میکسم رائزنکوف کی قیادت میں اسلام آباد پہنچا، وفد کا استقبال وزیر داخلہ محسن نقوی اور ایڈیشنل سیکرٹری خارجہ شفقت علی خان نے کیا۔بیلاروس میں پاکستان کے سفیر سجاد حیدر خان بھی وفد کے استقبال کے موقع پر موجود تھے، بیلاروس کے وفد میں وزیر خارجہ سمیت کل 8 وزراء شامل ہیں، بیلاروس کا وفد 68 افراد پر مشتمل ہے، وفد میں 43 تجارتی افراد شامل ہے۔وفد کے اس سرکاری دورے کے دوران پاکستان اور بیلاروس میں ٹریڈ روڈ میپ پر دستخط کیے جائیں گے، فریقین میں مختلف شعبوں میں 4 مفاہمتی یادداشتوں پر دستخط بھی ہوں گے جن میں زراعت، تجارت، سائنس و ٹیکنالوجی، ادویات سازی شامل ہیں۔دونوں ملکوں میں مشترکہ طور پر الیکٹرک بسوں کی پیداوار کے منصوبے کو حتمی شکل دینے پر بھی غور ہو گا، زرعی مشینری اور ٹریکٹرز کی تیاری کی صنعت میں تعاون کے فروغ پر بھی تبادلہ خیال کیا جائیگا جبکہ تجارت، سرمایہ کاری، سکیورٹی و دفاعی تعاون، خطے و عالمی صورتحال پر بھی تبادلہ خیال ہو گا۔

بیلا روس کے صدر تین روزہ سرکاری دورے پر پاکستان پہنچ گئے

وزیراعظم شہبازشریف نے نور خان ایئر بیس پر بیلا روس کے صدر کا استقبال کیا

پاکستانی اسٹیج اداکارہ اور سابقہ رقاصہ دیدار نے قومی کرکٹ ٹیم کے سابق کپتان عبدالرزاق کے ساتھ شادی کی خبروں پر خاموشی توڑ دی۔ اسٹیج اداکارہ دیدار نے حال ہی میں ایک انٹرویو میں قومی کرکٹ ٹیم کے کپتان عبدالزاق کی جانب سے شادی کی پیشکش اور ان کی شرط سے متعلق انکشاف کیا ہے جس کی ویڈیو سوشل میڈیا پر وائرل ہورہی ہے۔ سابقہ اداکارہ دیدار نے اس حوالے سے بات کرتے ہوئے بتایا کہ عبدالرزاق کے ساتھ منگنی ہوئی تھی لیکن وہ نہیں چاہتے تھے کہ میں اداکاری کروں اور میں کام کرنا چاہتی تھی کیونکہ میں نے اسی وقت اپنے کیریئر کا آغاز کیا تھا اور میں یہ جاری رکھنا چاہتی تھی۔دیدار نے بتایا کہ اس وقت میری عمر 15 برس تھی اور وہ 21 برس کے تھے، ہمارے تعلقات ٹھیک نہیں چل سکے تو ہم الگ ہو گئے لیکن آج بھی جب کبھی ہم کسی تقریب میں ملتے ہیں تو احترام سے ملتے ہیں۔دوسری جانب قومی کرکٹ ٹیم کے سابق کپتان عبدالرزاق نے بھی ماضی میں اس حوالے سے بات کی تھی انہوں نے کہا تھا کہ سابقہ اسٹیج اداکارہ و رقاصہ دیدار سے ماضی میں محبت ہو گئی تھی۔ سوشل میڈیا پر سابق پاکستانی کرکٹرعبدالرزاق کا ایک ویڈیو کلپ وائرل ہو رہا ہے جس میں انہوں نے اپنی پرانی محبت کا تذکرہ کرتے ہوئے بتایا ہے کہ انہیں اسٹیج اداکارہ دیدار سے سچی محبت ہوگئی تھی۔ معروف آل راؤنڈرعبدالرزاق کے مطابق دیدار ان کی بہت اچھی دوست تھیں جن کے ساتھ انہوں نے شادی کرنے کا فیصلہ بھی کرلیا تھا۔ اس سلسلے میں انہوں نے دیدار کو 6 ماہ کا وقت دیا کہ وہ فیصلہ کر لیں کہ انہوں نے کرکٹر سے شادی کرنی ہے یا انڈسٹری کے ساتھ رہنا ہے۔ عبدالرزاق چاہتے تھے کہ دیدار انڈسٹری اورتھیٹر ڈانس چھوڑ دیں لیکن اداکارہ اپنا کیریئر نہیں چھوڑ سکتی تھیں، جس کی بنا پر دونوں کی شادی نہیں ہوسکی۔عبد الرزاق نے کہا کہ اس پیشے کے ساتھ دونوں کا ایڈجسٹ کرنا مشکل تھا کیونکہ وہ ایک قدامت پسند گھرانے سے تعلق رکھتے تھے، ان کے مطابق اگر دیدار انڈسٹری چھوڑ دیتیں تو کچھ ہو سکتا تھا لیکن ان کے انکار کے بعد دونوں نے اپنی راہیں جدا کرلیں۔

اسٹیج اداکارہ دیدار نے کرکٹر عبدالرزاق کے ساتھ شادی کی خبروں پرخاموشی توڑدی

پاکستانی اسٹیج اداکارہ دیدار نے انکشاف کیا تھا کہ عبدالرزاق نے انہیں شادی کی پیشکش کی تھی

پنجاب میں 20 دسمبر سے موسم سرما کی چھٹیوں کا آغاز ہوگا ۔سیکرٹری اسکولز پنجاب نے موسم سرما کی تعطیلات کی تاریخ کا اعلان کرتے ہوئے کہا کہ پنجاب میں 20 دسمبر سے موسم سرما کی چھٹیوں کا آغاز ہوگا۔ سیکرٹری اسکولز پنجاب خالد نذیر وٹو نے ایک بیان میں کہا کہ پنجاب میں 20 دسمبر سے موسم سرما کی چھٹیاں ہورہی ہیں۔سیکرٹری اسکولز  پنجاب نے بتایا کہ 10 جنوری 2025  تک اسکولوں میں موسم سرما کی چھٹیاں ہوں گی، اسکولوں میں موسم سرما کے لیے 20 دن کی چھٹیاں ہوں گی۔ واضح رہے کہ پچھلے سال موسم سرما کی چھٹیاں شروع میں 18 دسمبر سے 31 دسمبر تک جاری رہیں لیکن بعد میں غیر متوقع حالات کی وجہ سے اسے بڑھا کر 9 جنوری کر دیا گیا۔

تعلیمی اداروں میں موسم سرما کی چھٹیوں کی تاریخ کا اعلان ہوگیا

پنجاب میں موسم سرما کی تعطیلات کا اعلان کر دیا گیا، سردیوں کی چھٹیوں کا آغاز20 دسمبر سے ہوگا

چیئرمین پاکستان تحریک انصاف ( پی ٹی آئی ) بیرسٹر گوہر نے احتجاج سے متعلق عمران خان کا پیغام بتادیا۔تفصیلات کے مطابق پاکستان تحریک انصاف کے چیئرمین بیرسٹر گوہر علی خان نے بانی پی ٹی آئی سے ملاقات کے بعد احتجاجی کال کو فائنل قرار دے دیا۔بانی پی ٹی آئی عمران خان سے پارٹی چیئرمین بیرسٹر گوہر اور ترجمان کے پی حکومت بیرسٹرسیف نے اڈیالہ جیل میں ڈیڑھ گھنٹہ طویل ملاقات کی جس میں اسلام آباد میں احتجاج کے معاملے پر مشاورت کی گئی۔ملاقات کے بعد میڈیا نمائندوں سے غیر رسمی گفتگو کرتے ہوئے بیرسٹر گوہر علی خان کا کہنا تھا کہ خان صاحب کی احتجاج کی کال فائنل ہے، احتجاج کال آف والی بات نہیں ہے۔صحافی نے پوچھا مذاکرات کے حوالے سے سوال کیا جس پر انہوں نے کہا کہ جی اس پر آپ کو انشااللہ جلد بتائیں گے، ہاں وہ چل رہے ہیں۔ خیال رہے کہ پی ٹی آئی کی جانب سے عمران خان کی کال پر احتجاج کیا جا رہا ہے، عمران خان نے 24 نومبر کو اسلام آباد کی جانب مارچ کی کال دی تھی۔

احتجاج کی کال فائنل ہے، بیرسٹر گوہر کا عمران خان سے ملاقات کے بعد اعلان

بیرسٹرسیف اوربیرسٹرگوہرعلی نے اڈیالہ جیل میں عمران خان سے ڈیڑھ گھنٹے تک احتجاج کے حوالے سے مشاورت کی

سعودی عرب کے شہر جدہ میں انڈین پریمیئر لیگ 2025 ایڈیشن کے لیے کھلاڑیوں کی بولیاں لگائی جارہی ہیں۔آئی پی ایل 2025 کی نیلامی کے پہلے دن ایونٹ شروع ہونے کے ایک گھنٹے کے اندر اندر 110 کروڑ روپے خرچ ہوگئے اور تمام فرنچائزز نے اپنے اپنے پسندیدہ کھلاڑیوں پر بولیاں لگائیں۔بھارت کے وکٹ کیپر بلے باز رشبھ پنت 27 کروڑ بھارتی روپے کے ساتھ اب تک کےسب سے مہنگے نیلام ہوئے جنہیں لکھنو سپر جائنٹس نے خریدا یہ رقم پاکستانی کرنسی میں تقریباً 88کروڑ 81لاکھ روپے سے زائد بنتی ہے۔ کولکتہ نائٹ رائیڈرز کے سابق کپتان شریاس ائیر کو پنجاب کنگز نے 26.75 کروڑ بھارتی روپے میں حاصل کیا۔ انگلینڈ کے جوس بٹلر 15.75 کروڑ میں فروخت ہوئے جنہیں گجرات ٹائٹنز نے خریدا، گزشتہ سیزن میں وہ راجستھان رائلز کی ٹیم کا حصہ تھے۔بھارتی فاسٹ بولر ارشدیپ سنگھ کو پنجاب کنگز نے 18 کروڑ روپے دے کر ٹیم میں شامل کیا۔ جنوبی افریقا کے فاسٹ باؤلر کاگیسو ربادا کو گجرات ٹائٹنز نے 10.75 کروڑ روپے کی بولی لگا کر ٹیم میں شامل کرلیا۔گلین میکسویل 4.20 کروڑ بھارتی روپے میں پنجاب کنگز کا حصہ بن گئے۔ مچل اسٹارک کو 11.75 کروڑ بھارتی روپے میں دہلی کیپیٹلز نے حاصل کیا۔واضح رہے کہ اس سال آئی پی ایل 2025 کی میگا نیلامی 24 اور 25 نومبر کو سعودی عب کے شہر جدہ میں منعقد کی جارہی ہے ۔

وکٹ کیپر بلے باز رشبھ پنت آئی پی ایل کے مہنگے ترین کھلاڑی بن گئے

رواں برس آئی پی ایل 2025 کی میگا نیلامی 24 اور 25 نومبر کو سعودی عب کے شہر جدہ میں منعقد کی جارہی ہے

وفاقی دارالحکومت اسلام آباد میں نوبیاہتا جوڑا راستہ بند کرنے کیلئے لگائے گئے کنٹینرز کو فوٹو شوٹ کیلئے منتخب کرکے مشہور ہو گیا۔تفصیلات کے مطابق پاکستان تحریک انصاف (پی ٹی آئی) کے احتجاج کے باعث اسلام آباد سمیت کئی شہروں میں راستے بند ہونے کی وجہ سے شہریوں کو شدید مشکلات کا سامنا ہے۔اسلام آباد میں کچھ لوگ ایسے بھی ہیں کہ جن کی شادیاں انہی دنوں ہونی تھیں تاہم راستوں کی بندش کی وجہ سے شادی ہال تک پہنچنا ناممکن ہوگیا۔ اس صورتحال میں کئی جوڑے ایسے بھی ہیں جن کی شادی تو ہوگئی لیکن راستے بند ہونے کی وجہ سے وہ فوٹو شوٹ کی جگہ پر نہیں پہنچ سکے۔نئے شادی شدہ جوڑے فوٹو شوٹ کے لیے خوبصورت جگہ کا انتخاب کرتے ہیں تاکہ وہ لمحات انہیں ہمیشہ یاد رہیں، اور اسی لیے اسلام آباد میں ایک نوبیاہتا جوڑے نے راستے بند کرنے کے لیے لگائے گئے کنٹینرز کو فوٹو شوٹ کے لیے منتخب کرلیا۔سوشل میڈیا پر وائرل ہونے والی ویڈیوز میں دلہا اور دلہن کو کنٹینرز کے سامنے فوٹو شوٹ کراتے دیکھا جاسکتا ہے۔ ان کنٹینرز پر اسپرے سے 804 بھی لکھا ہوا ہے۔دی ٹیلنٹ اسٹوڈیوز کے نام سے ایک انسٹا گرام پیج پردلہا اور دلہن کی کچھ تصاویر جاری کی گئیں، ان کنٹینرز پر 804 کا ہندسے اسپرے پینٹ سے لکھا ہوا تھا۔ایک تصویر میں دلہن اور 8 اور 4 کے عین وسط میں کھڑی ہے اور دلہن تقریباً کنٹینر کے پاس، اس فوٹو نے انٹرنیٹ صارفین کو اپنی جانب متوجہ کیا اور دیکھتے ہی دیکھتے یہ تصاویر وائرل ہو گئیں۔ان تصاویر کے پس منظر میں جذبہ جنون تو ہمت نہ ہار چل رہا ہے، ان تصاویر پر سوشل میڈیا پر صارفین اپنی اپنی رائے دے رہے ہیں۔ایک صارف نے لکھا کہ یہ آپ کی زندگی کا لائف ٹائم ایونٹہے جسے لاک ڈاؤن نے ہیلو کہا۔ ایک اور صارف نے لکھا کہ جب آپ کو اپنے بڑے دن پر کوئی اور جگہ نہیں ملی، چونکہ یہ سب بند تھا۔ہر کوئی خصوصاً نئے شادی شدہ جوڑے فوٹو شوٹ کے لئے خوبصورت جگہ پسند کرتے ہیں تاکہ ان کے لئے یہ یاد رہے، ایسے موقع پر اس جوڑے نے کنٹینرز کا انتخاب کیا جو یقیناً ان کے لئے یادگار رہے گا کہ راستوں کی بندش کی وجہ سے لگے کنٹینرز کے سامنے فوٹو گرافی کی تھی۔کنٹینرز پر 804 کا ہندسہ بھی اسپرے پینٹ سے لکھا گیا تھا، یہاں فوٹو گرافر کو بھی داد دی جا رہی ہے کہ اس نے کس انداز میں ان کی تصاویر بنائیں، کئی صارف اس جوڑے کو زندہ دل قرار دے رہے ہیں۔کچھ صارف اسے ان کی زندگی کا بہترین فوٹو شوٹ قرار دیتے ہوئے نظر آئے، زیادہ صارف نے اس نئے جوڑے کے لئے نیک خواہشات کا اظہار کیا ہے۔

نوبیاہتا جوڑا اسلام آباد میں لگائے گئے کنٹینرز کو فوٹو شوٹ کیلئے منتخب کرکے مشہور ہو گیا

قید نمبر804 کے عین وسط میں کھڑی دلہن کے کچھ شاٹس نے انٹرنیٹ صارفین کی توجہ اپنی جانب مبذول کرلی

عمران خان کو لیےبغیر واپس نہیں آنا،بشریٰ بی بی ڈٹ گئیں۔تفصیلات کے مطابق پی ٹی آئی کے بانی چیئرمین عمران خان کی اہلیہ بشریٰ بی بی نے آخری سانس کھڑے رہنے کا اعلان کرتے ہوئے کہا ہے کہ جب تک خان ہمارے پاس نہیں آجاتے ہم نے اس مارچ کو ختم نہیں کرنا۔پی ٹی آئی کے اسلام آباد کی جانب مارچ کے دوران مرکزی ٹرک سے کارکنوں سے خطاب کرتے ہوئے بشریٰ بی بی نے کہا کہ میرے بچو اور میرے بھائیو! جب تک خان ہمارے پاس نہیں آجائیں گے، ہم نے اس مارچ کو ختم نہیں کرنا۔احتجاج میں شامل شرکاء سے خطاب کرتے ہوئے انہوں نے کہا کہ میں اپنی آخری سانس تک اس مارچ میں کھڑی رہوں گی۔انہوں نے کہا کہ آپ لوگوں نے میرا ساتھ دینا ہے، کوئی میرا ساتھ نہیں دے گا تب بھی میں کھڑی رہوں گی۔بشریٰ بی بی کا کہنا ہے کہ کیوں کہ یہ صرف میرے میاں کی بات نہیں ہے بلکہ یہ اس ملک کے لیڈر کی بات ہے۔بانئ پی ٹی آئی کی اہلیہ نے مزید کہا کہ مجھے اُمید نہیں یقین ہے کہ غیرت مند پختون آخرتک ساتھ نہیں چھوڑتی۔واضح رہے کہ پاکستان تحریکِ انصاف (پی ٹی آئی) کا احتجاج دوسرے روز میں داخل ہو گیا ہے۔پی ٹی آئی کے احتجاج کے باعث اسلام آباد اور راولپنڈی کو ملانے والے راستے دوسرے روز بھی بند ہیں۔اسلام آباد میں احتجاج کے لیے پی ٹی آئی کا قافلہ بشریٰ بی بی اور علی امین گنڈاپور کی قیادت میں ہزارہ انٹرچینج سے ایم ون پر روانہ ہو گیا ہے۔بشریٰ بی بی کی گاڑی پی ٹی آئی قافلے کے آگے آ گئی ہے۔بشریٰ بی بی کی ترجمان کا کہنا ہے کہ وزیرِ اعلیٰ علی امین گنڈاپور کو ہزارہ انٹرچینج پر شلینگ کا سامنا کرنا پڑا۔ترجمان کے مطابق وزیرِ اعلیٰ کے پی علی امین گنڈاپور آرام کریں گے اور کھانا کھائیں گے، فریش ہونے کے بعد وہ روانہ ہوں گے۔

جب تک خان ساتھ نہیں آئینگے، احتجاج ختم نہیں ہوگا،بشریٰ بی بی ڈٹ گئیں

یقین ہے غیرت مند پختون آخر تک میرا ساتھ نہیں چھوڑیں گے،احتجاج میں شامل شرکاء سے خطاب

پرتھ ٹیسٹ میں بھارت نے آسٹریلیا کو 295 رنز کی بڑی شکست دے کر بارڈر گواسکر ٹرافی کے 5 ٹیسٹ میچوں کی سیریز میں 0-1 کی برتری حاصل کرلی۔پرتھ میں کھیلئے گئے بارڈر گواسکر ٹرافی کے پہلے ٹیسٹ میں چوتھے روز آسٹریلیا کی ٹیم 534 رنز کے تعاقب میں 238 رنز بنا کر آوٹ ہوگئی۔22 نومبر سے شروع ہونے والے پہلے ٹیسٹ میں بھارت نے ٹاس جیت کر پہلے بیٹنگ کا فیصلہ کیا تھا، بھارت کی ٹیم اپنی پہلی اننگز میں 150 رنز پر آؤٹ ہو گئی تھی جبکہ آسٹریلیا کی ٹیم اپنی پہلی اننگز میں صرف 104 رنز بنا سکی تھی۔بھارت نے دوسری اننگز 487 رنز 6 وکٹوں کے نقصان پر ڈکلیئر کی اور آسٹریلیا کو جیت کیلئے 534 رنز کا ہدف دیا، ہدف کے تعاقب میں کینگروز 238 رنز پر آل آؤٹ ہو گئے اور بھارت نے میچ 295 رنز سے جیت لیا۔میچ میں بھارت کی طرف سے دوسری اننگز میں یشوی جیسوال نے 161 رنز اور ویرات کوہلی نے 100 رنز کی اننگز کھیلی جبکہ کے ایل راہول 77 رنز کے ساتھ نمایاں رہے۔ بھارتی فاسٹ باؤلر جسپریت بمراہ نے میچ میں مجموعی طور پر 8 وکٹیں حاصل کیں جبکہ دونوں ٹیموں کے درمیان پانچ میچوں پر مشتمل سیریز کا دوسرا ٹیسٹ 5 دسمبر سے ایڈیلیڈ میں شروع ہوگا جو ڈے اینڈ نائٹ ہوگا۔

کینگروز گھر میں ہی ڈھیر، بھارت نے آسٹریلیا کو 295 رنز سے ہرادیا

دونوں ٹیموں کے درمیان پانچ میچوں پر مشتمل سیریز کا دوسرا ٹیسٹ 5 دسمبر سے ایڈلیڈ میں شروع ہوگا

آئی سی سی مینز ٹی20 ورلڈکپ سب ریجنل افریقہ کوالیفائر کے میچ میں آئیوری کوسٹ کی ٹیم نائیجیریا کے 272 رنز کے ہدف کے تعاقب میں صرف 7 رنز بناکر آؤٹ ہوگئی اور یوں ٹی20 کرکٹ کی تاریخ کا کم ترین رنز بنانے کا نیا ریکارڈ قائم ہوگیا۔تفصیلات کے مطابق آئی سی سی انٹرنیشنل ٹی ٹوئنٹی ورلڈکپ کوالیفائرافریقا ریجن میں نائیجیریا نے آئیوری کوسٹ کو 264 رنز کے مارجن سے  بڑی شکست دے دی۔لاگوس میں کھیلے جانے والے ٹی ٹوئنٹی انٹرنیشنل میں کسی بھی ٹیم نے سب سےکم اسکور کا نیا ریکارڈ بنا ڈالا،سب ریجنل افریقا کوالیفائر کا پانچواں میچ گروپ سی کی ٹیموں نائیجیریا اور آئیوری کوسٹ کے درمیان نائیجیرین شہر لاگوس میں کھیلا گیا جہاں نائیجیریا نے ٹاس جیت کر پہلے بیٹنگ کا فیصلہ کیا۔نائیجیریا نے پہلے بلے بازی کرتے ہوئے  مقررہ 20 اوورز میں 4 وکٹس کے نقصان  پر 271 رنز بنائے، نائیجیریا کی جانب سے  سلیم 112 رنز بناکر نمایاں رہے۔نائیجیریا کے خلاف 272 رنز کے تعاقب میں آئیوری کوسٹ کی ٹیم صرف 7 رن بنا کر آؤٹ ہوگئی  اور ان کے سات بلے باز ایک رن بھی نہ بنا سکے۔نائیجیریا کی ٹیم نے آئیوری کوسٹ کو 264 رنز کے بڑے مارجن سے شکست دے کر کرکٹ کی تاریخ کا منفرد ریکارڈ اپنے نام کر لیا۔

ٹی20 کی تاریخ کا کم ترین اسکور، پوری ٹیم صرف 7 رنز پر ڈھیر ہوگئی

نائیجیریا کے خلاف 272 رنز کے تعاقب میں آئیوری کوسٹ کی ٹیم صرف 7 رن بنا کر آؤٹ ہوگئی

جی ایچ کیو حملہ کیس میں عمران خان سمیت دیگر ملزمان پر فرد جرم کی کارروائی ایک بار پھر مؤخر ہوگئی۔تفصیلات کے مطابق انسداد دہشت گردی عدالت راولپنڈی میں سانحہ 9 مئی کے جی ایچ کیو حملہ کیس کی سماعت اے ٹی سی جج امجد علی شاہ نے کی، جس میں پاکستان تحریک انصاف کے وکیل محمد فیصل ملک عدالت میں پیش ہوئے۔وکیل کی جانب سے عدالت میں مؤقف اختیار کیا گیا کہ راستوں کی بندش کی وجہ سے ملزمان کا عدالت میں پیش ہونا ممکن نہیں ہے۔بعد ازاں عدالت نے جی ایچ کیو حملہ کیس میں فرد جرم کی کارروائی 28 نومبر تک مؤخر کردی۔ 9 مئی کے اس کیس میں فرد جرم کی کارروائی ملزمان کی عدم حاضری کے باعث ملتوی کی گئی۔اسلام آباد ، راولپنڈی سمیت پنجاب کے کئی شہروں میں پی ٹی آئی احتجاج سے نمٹنے کے لیے راستوں کی بندش کی وجہ سے شاہ محمود قریشی کو بھی آج لاہور سے راولپنڈی عدالت میں پیش نہیں کیا جا سکا، اسی طرح شیخ رشید احمد و دیگر بھی عدالت میں پیش نہیں ہو سکے۔واضح رہے کہ آج کی سماعت میں بانی پی ٹی آئی سمیت جی ایچ کیو حملہ کیس کے 120 ملزمان پر فرد جرم عائد ہونی تھی۔

جی ایچ کیو حملہ کیس،بانی پی ٹی آئی عمران خان سمیت دیگر ملزمان پر فرد جرم پھر مؤخر

راستوں کی بندش کے باعث ملزمان کا آج پیش ہونا ممکن نہیں، وکلا کی درخواست پر سماعت ملتوی

سابق وزیر اعظم عمران خان کی رہائی اور دیگر مطالبات کی منظوری کے لیے پاکستان تحریک انصاف (پی ٹی آئی ) کا مرکزی قافلہ وزیراعلیٰ خیبرپختونخوا علی امین گنڈا پور اور بشریٰ بی بی کی قیادت میں اسلام آباد کی جانب رواں دواں ہے جو اس وقت پنجاب کی حدود میں داخل ہوگیا ہے جو اس وقت برہان کے قریب پہنچ چکا ہے۔تفصیلات کے مطابق بانی پی ٹی آئی عمران خان کی کال پر وزیراعلیٰ خیبرپختونخوا اور اپوزیشن لیڈر عمر ایوب کی قیادت میں احتجاجی قافلے پنجاب کی حدود میں داخل ہوگئے۔وزیر اعلیٰ خیبر پختونخوا علی امین گنڈا پور کی قیادت میں پی ٹی آئی کا قافلہ اسلام آباد کی جانب رواں دواں ہے، بشریٰ بی بی بھی پی ٹی آئی کے احتجاجی قافلے میں شامل ہیں تاہم سابق خاتون اول الگ گاڑی میں سوار ہیں۔ غازی بروتھا پل پر پولیس کی جانب سے قافلے پر بدترین شیلنگ کی گئی۔ حسن ابدال کٹی پہاڑی کے قریب بھی پولیس اور مظاہرین میں جھڑپ ہوئی۔ اور پولیس کی جانب سے مظاہرین کے قافلے کو روکنے کی کوشش کی گئی ہے۔ہزارہ موٹروے پر پولیس اور مظاہرین کے درمیان جھڑپ ہوئی۔ پولیس کی جانب سے مظاہرین کو شلینگ کے ذریعے منتشر کرنے کی کوشش کی گئی۔ تاہم مظاہرین راستے میں کھڑی رکاوٹوں کو ہٹانے کے بعد آگے کی جانب بڑھ گئے۔ وزیراعلیٰ نے صوابی میں کارکنوں سے مختصر خطاب میں کہا کہ اب ہمیں آگے بڑھنا ہے اور عمران خان کی رہائی تک واپس نہیں آنا، اپنی ساری طاقت راستہ کھولنے میں لگانی ہے۔ علی امین گنڈاپور کی زیر قیادت صوابی سے روانہ ہونے والا پی ٹی آئی کا بڑا قافلہ پنجاب کی حدود میں داخل ہوا تو اٹک پل، چھچھ انٹرچینج اور غازی بروتھا نہر پر پولیس کی جانب سے شدید شیلنگ کی گئی۔  وزیراعلیٰ نے تھوڑی دیر کیلئے قافلے کو غازی کے مقام پررکنے کی ہدایت کی اور خطاب میں کہا کہ کارکن تیاری کریں کیونکہ آگے مقابلہ کرنا ہے۔ بشریٰ بی بی نے کارکنوں سے مختصر خطاب میں کہا کہ آپ اپنی گاڑیوں میں بیٹھیں، ہمیں تیز جانا ہے اور خان کو لئے بغیر واپس نہیں آنا، اس طرح کرنے سے آپ لوگ تھک جائیں گے۔ ہری پور سے آنے والے قافلے کے شرکا اٹک پل پر پہنچے تو پولیس کی جانب سے شدید شیلنگ کی گئی ۔دوسری جانب پی ٹی آئی کے احتجاج کے باعث اسلام اور راولپنڈی کے داخلی و خارجی راستوں کو مکمل بند کر رکھا گیا ہے۔ جبکہ مختلف علاقے سیل ہیں۔ جڑواں شہروں میں رینجرز، ایف سی، ایلیٹ فورس اور پولیس کی بھاری نفری تعینات ہے۔جڑواں شہروں میں میٹرو بس سروس اور بس اڈوں کو مکمل طور پر بند رکھا گیا ہے۔ جبکہ آج اسلام آباد، راولپنڈی اور مری کے تمام تعلیمی ادارے آج بند رکھنے کا اعلان کیا گیا ہے جبکہ جڑواں شہروں میں دفعہ 144 نافذ ہونے کے باعث ہر قسم کے احتجاج اور ریلی نکالنے پر پابندی ہے۔

علی امین گنڈا پور کی قیادت میں پی ٹی آئی کاقافلہ پنجاب میں داخل، جڑواں شہر مکمل سیل

رات موٹر وے پر گزارنے کے بعد پی ٹی آئی کا قافلہ علی امین گنڈا پور کی قیادت میں اسلام آباد کی جانب رواں دواں

پاکستان تحریک انصاف کے احتجاج کے باعث اسلام آباد اور راولپنڈی کے تعلیمی ادارے آج بند رہیں گے۔تعلیمی ادارے بند رکھنے کا فیصلہ موجودہ صورتحال کے پیش نظر کیا گیا، اطلاق وفاقی دارالحکومت اور راولپنڈی کے تمام تعلیمی اداروں پر ہو گا۔دوسری جانب ڈی سی مری نے کہا ہے کہ ضلع مری کے بھی تمام تعلیمی ادارے بھی آج بند رہیں گے، تعلیمی اداروں کو موجودہ صورتحال کے پیش نظر بند رکھنے کا فیصلہ کیا گیا ہے۔ادھر بہاولپور کی اسلامیہ یونیورسٹی میں آج اور کل ہونے والے پرچے ملتوی کردیئے گئے۔ یونیورسٹی ترجمان کے مطابق ملتوی ہونے والے پرچے اب 2 اور 3 دسمبر کو ہوں گے، یونیورسٹی میں آج اور کل کلاسیں معمول کے مطابق ہوں گی۔علاوہ ازیں بلوچستان کے شہر لورالائی میں آج ہڑتال کے باعث تمام سرکاری اور نجی اسکول بند ہیں جبکہ مڈل کلاس اور سرکاری اسکولوں کی پرچے ملتوی کر دیا گیا۔واضح رہے کہ سابق وزیر اعظم عمران خان کی رہائی اور دیگر مطالبات کی منظوری کے لیے مختلف شہروں سے نکلنے والے تحریک انصاف کے قافلے پنجاب میں داخل ہوگئے ہیں، قافلوں کی اسلام آباد کی جانب پیش قدمی جاری ہے۔ادھر پی ٹی آئی کے احتجاج کے باعث اسلام آباد کے داخلی و خارجی راستے بند کر دیئے گئے ہیں، مختلف علاقوں کو سیل کردیا گیا ہے، اسلام آباد اور راولپنڈی میں متعدد مقامات پر سڑکیں بند ہیں، جڑواں شہروں میں رینجرز، ایف سی، ایلیٹ فورس اور پولیس کی بھاری نفری تعینات کی گئی ہے۔

اسلام آباد اور راولپنڈی میں آج تمام تعلیمی ادارے بند رکھنے کا اعلان

تعلیمی ادارے بند رکھنے کا فیصلہ موجودہ صورتحال کے پیش نظر کیا گیا،نوٹیفکیشن جاری

پاکستان اور زمبابوے کے درمیان تین ایک روزہ میچز کی سیریز کے پہلے ون ڈے میں زمبابوے نے پاکستان کو ڈک ورتھ لوئس میتھڈ پر 80 رنز سے شکست دے دی۔بلاوائیو میں ہونیوالے پہلے ون ڈے میچ میں زمبابوے کیخلاف پاکستان کی بیٹنگ لائن بری طرح فلاپ ہوگئی، 206 رنز کے ہدف کے تعاقب میں پاکستان کی 21 اوورز میں 60 رنز پر 6 وکٹیں گرگئیں تاہم بارش کے باعث میچ کو ڈک ورتھ لوئیس میتھڈ کے تحت ختم کردیا گیا۔قبل ازیں پاکستان نے زمبابوے کے خلاف ٹاس جیت کر بولنگ کا فیصلہ کیا ، زمبابوے کے اوپنرز نے جارحانہ کھیل پیش کرنے کی کوشش کی تاہم 40 کے مجموعی اسکور پر جویلورڈ گمبی 15 کے انفرادی اسکور پر عبداللہ شفیق کے ہاتھوں رن آؤٹ ہوگئے جبکہ ڈیون مائرز 8 رنز کے مہمان ثابت ہوئے۔کپتان کریگ ایروائن 6 اور تادیوانشے مارومانی 29، شان ولیمز 23، برائن بینیٹ 20، برینڈن ماوتا ایک جبکہ بلیسنگ مزربانی صفر پر پویلین لوٹ گئے۔ آٹھویں وکٹ کی شراکت میں سکندر رضا اور رچرڈ نگروا نے 62 رنز کی پارٹنرشپ قائم کی تاہم رضا 39 رنز بناکر فیصل اکرم کا شکار بنے۔رچرڈ نگروا نے ٹیم کیلئے 48 رنز کی مزاحمتی اننگز کھیلی جس میں 5 چوکے اور ایک چھکا شامل تھا۔زمبابوے کی ٹیم 40.2 اوورز میں 205 رنز بناکر آؤٹ ہوگئی۔ قومی ٹیم کی جانب سے ڈیبیو کرنے والے فیصل اکرم اور سلمان علی آغا نے تین تین وکٹیں حاصل کیں۔حارث رؤف نے ایک کھلاڑی کو آؤٹ کیا جب کہ عبداللہ شفیق نے ایک بیٹر کو رن آؤٹ کیا۔اس کے علاوہ عامر جمال اور محمد حسنین نے ایک ایک کھلاڑی کو پویلین لوٹایا۔206 رنز کے ہدف کے تعاقب میں قومی ٹیم کا آغاز مایوس کن رہا۔ اوپنر صائم ایوب 11 اور عبداللہ شفیق ایک رن بنا کر پویلین لوٹ گئے۔کامران غلام 17رنز بناسکے جب کہ سلمان آغا 4 رنز بنا کر آؤٹ ہوئے۔پاکستان کی پانچویں وکٹ 49 رنزپرگری اور قومی ٹیم کے آؤٹ ہونے والے پانچویں کھلاڑی حسیب اللہ تھے جو صفر پر آؤٹ ہوئے۔ پاکستان کی چھٹی وکٹ58 رنزپرگری جب کہ عرفان خان 7 رنز بنا کر بولڈ ہوگئے۔ کپتان محمد رضوان 19 رنز بنا کر ناٹ آؤٹ رہے جب کہ ان کے ساتھ وکٹ پر عامر جمال موجود تھے جو کہ کوئی رنز نہ بناسکے۔زمبابوے کے 206 رنز کا تعاقب کرتے ہوئے پاکستانی ٹیم نے 6 وکٹوں کے نقصان پر 60 رنز بنائے تھے کہ بارش کے باعث میچ روکنا پڑا۔بارش نہ رکنے پر زمبابوے نے یہ میچ ڈی ایل ایس قانون کے تحت 80 رنز سے جیت لیا۔

پہلا ون ڈے ،زمبابوے نےڈی ایل میتھڈ کے تحت پاکستان کو 80 رنز سےہرادیا

زمبابوے کے 206 رنز کے جواب میں پاکستانی ٹیم نے 60 رنز بنائے تھے کہ بارش کے باعث میچ روکنا پڑا

On the Ind vs Aus 1st test day 1, India 150/10 and Australia 67/7.

IND vs AUS 1st Test: Players Return To The Pavillion Faster Than A T20

The Ind vs Aus 1st test day 1 of <a href="https://www.tapmad.com/blog/aus-vs-ind-1st-test-live-border-gavaskar-trophy/495-2-0">Border-Gavaskar Trophy</a> was a spectacle to say the least. On day 1, 77 overs were bowled, 17 wickets lost, and only 217 runs scored.&nbsp;

India won the toss and chose to bat first. Yashasvi Jaiswal and KL Rahul opened the innings, but Mitchell Starc didn&rsquo;t let Jaiswal settle in at all. He dismissed him on 0, opening the account for Australia very early on in the game.&nbsp;

What followed was a debacle, something you don&rsquo;t see happening to the Indian team this frequently.&nbsp;

Follow us on our official <a href="https://whatsapp.com/channel/0029VaAdx1iLY6d69TiZbo0m">Whatsapp channel.</a>&nbsp;

Only 4 batsmen from the enormous Indian batting lineup could get past the 10-run mark, rest of them returned to the pavilion with a score in single figures.&nbsp;

According to captain Jasprit Bumrah&rsquo;s pre-match conference, the mighty Virat Kohli was looking ominous before the beginning of the match, but even he failed to deliver a notable performance.&nbsp;

At just 150 runs, the entire Indian team crumbled in front of the hazardous combo of Starc and Hazlewood.&nbsp;

Such a wonderful bowling display warranted an easy chase and lead for Australia, but who knew the tables would turn so soon.&nbsp;

In the second half of Ind vs Aus 1st test day 1, the hosts came on to bat, hoping to end the day on a high, but Indian skipper Bumrah had a different plan.&nbsp;

Bumrah accompanied by Siraj crushed Australia&rsquo;s highly competent batting lineup. One by one, the kangaroos started returning to the dugout with scores so low that the viewers couldn&rsquo;t even see some of them come and go.&nbsp;

At the end of India vs Australia 1st test day 1 of Border-Gavaskar Trophy, the hosts had reached a shocking total of 67-7, trailing by 83 runs.&nbsp;

India and Australia are the top two teams in terms of ICC test team rankings, so what was the reason behind their subpar performance? Lack of luck or skills?

IND vs AUS 1st Test Day 1: Bowlers From Both Sides Wreak Havoc

Related Post

WI vs BAN Live Streaming in Pakistan

How to Watch PAK vs ZIM 2nd ODI Live Online in Pakistan?

US Premier League 2024 Live Streaming in Pakistan